Elektrondyq úkimettiń kórsetken qyzmeti bir jylda 13 paıyzǵa artty - Alık Shpekbaev
Aıta keteıik, búgin Almaty ákimdiginde memlekettik qyzmetterdi kórsetý sapasyn arttyrý jáne sybaılas jemqorlyqqa qarsy is-qımyl boıynsha vodomstvo aralyq kóshpeli keńes ótti. Onda jergilikti atqarýshy organdar tarapynan kórsetiletin memlekettik qyzmet qana emes, tabıǵı monopolııa salasyndaǵy uıymdarǵa qatysty da ózekti máseleler talqylandy. Atalǵan keńeske deıin Alık Shpekbaev kóshi-qon, memlekettik kirister, densaýlyq saqtaý, kommýnaldyq qyzmetter salasyndaǵy birqatar mekemelerdiń jumysyn tekserdi.
«100 naqty qadam» Ult jospary aıasynda jarııalanǵan 5 ınstýtsıonaldyq reformany júzege asyrýdyń bir mindeti - halyqty ashyq, jaýapty memlekettik qyzmetpen qamtamasyz etý. Osyǵan baılanysty memlekettik basqarý júıesinde memlekettik qyzmetti tıimdi júrgizýge den qoıylǵan. Bıznes klımatty jaqsartý úshin memlekettik ákimshilik kedergilerdi azaıtý, baǵytynda júıeli jumystar júrgizilip jatyr. 2017 jyly memlekettik qyzmet tizimi 5 esege deıin ulǵaıtyldy, 132-den 723-ge deıin. 2016 jyly azamattar úshin qurylǵan úkimet qyzmetin bastady. 2017 jyldyń birinshi jarty jyldyǵynda kórsetilgen elektrondyq memleket qyzmet byltyrǵy jyldyń sáıkes kezeńimen salystyrǵanda 48 paıyzǵa artyq. 2016 jyly, kópshiligińiz biletindeı, 35 paıyz elektrondyq memlekettik qyzmet kórsetilgen bolatyn. Jarty jyldyqtyń esebine qarap, elektrondyq úkimettiń jumysy byltyrǵy jyldyń qorytyndysymen salystyrǵanda 13 paıyzǵa artyq ekenin baıqaımyz», - dedi Alık Shpekbaev baıandamasynda.
Sonymen qatar ol, BUU-nyń elektrondyq úkimet ındeksi boıynsha 2016 jyly Qazaqstan 33-shi orynǵa kóterilgenin aıta ketti.
«BUU elektrondyq úkimet ındeksi boıynsha 2016 jyly Qazaqstan 33-shi orynǵa, Azııa elderi arasynda 7-shi orynǵa shyqty. elektrondyq úkimet salasyn damyta bersek, ahýal túbegeıli jaqsarady dep oılaımyn. Halyqaralyq sarapshylardyń pikirinshe, Qazaqstanda elektrondyq úkimettiń arqasynda turmystyq deńgeıdegi syıbaılas jemqorlyq azaıǵan. Sonyń ishinde, HQO men Arnaıy HQO-lardyń qyzmeti jaqsarǵanyn atap ótý kerek», dedi Memleket qyzmet isteri jáne sybaılas jemqorlyqqa qarsy is-qımyl agenttiginiń orynbasary Alık Shpekbaev.
Alık Shpekbaev jumys barysynda aıtylǵan usynystar men kóterilgen máseleler eskerýsiz qalmaıtynyn aıtty. Sóz sońynda Alık Shpekbaev memlekettik qyzmet kórsetý sapasyn arttyrý úshin júıeli jumys jasalyp jatqanyn jetkizdi. Onyń aıtýynsha, 2018 jyly elektrondyq memlekettik qyzmet kórsetý deńgeıi 80 paıyzǵa deıin kóterilmek.