Elektrondyq úkimet portalyna 7 mıllıon adam tirkeldi

ASTANA. QazAqparat - Aqtóbe oblysy Oıyl aýdany qazaq orta mektebiniń 16 jasar oqýshysy Nurqanat Baısultanov elektrondyq úkimettiń 7-mıllıonynshy paıdalanýshysy bolyp tirkeldi, dep habarlaıdy QazAqparat «Ulttyq aqparattyq tehnologııalar» AQ baspasóz qyzmetine silteme jasap. 

Kompanııa ókilderi 7-mıllıonynshy paıdalanýshyny quttyqtady. Nurqanattyń aıtýynsha, oǵan alǵashqy jeke kýálik berilgen kezde elektrondyq tsıfrlyq qoltańbany alyp, eGov.kz portalynda tirkelgen eken.

«Bolashaqta Nurqanat elektrondyq úkimet portalyn jıi paıdanalyp, memlekettik qyzmetter men túrli anyqtamalardy onlaın túrde alýdy josparlap otyr», delingen habarlamada.

Aıta keterligi, qazirgi ýaqytta eGov.kz jáne e-lıtsenzııalaý portaldarynyń kómegimen azamattarǵa 452 elektrondyq qyzmet, servıster pen tólemder qoljetimdi. Portal iske qosylǵan sátten beri otandastarymyzǵa 192,3 mln. ret elektrondyq qyzmetter kórsetilgen.

2017 jyly elimizde memlekettik qyzmetterdi ınternet jelisi arqyly alýǵa azamattarmen 29 014 586 ret ótinish berilgen.