Elektrondyq tehnologııa qansha damyǵanymen ýaqyt óte kele álem kitap oqýǵa qaıta den qoıady - Á. Asqarov
Búgin Ortalyq kommýnıkatsııalar qyzmetinde ótken brıfıng barysynda QR Ulttyq kitaphanasynyń dırektory Álibek Asqarov osyndaı pikir bildirdi. Eske sala keteıik, brıfıng «Eldiń tarıhy men mədenıeti - bolashaǵy tutas ult» taqyrybynda ótken bolatyn.
«Bizdiń Ulttyq kitaphanaǵa keletinder sany jylyna eki mıllıon oqyrmannan asady. Olardyń ishinde «vırtýaldy oqyrman» mıllıonǵa jýyq. Kelýshilerdiń 12,5 paıyzy - ǵalymdar, 5,5 paıyzy - qyzmetkerler, 77 paıyzy - stýdentter, al 5 paıyzyn basqa sanattaǵylar quraıdy», - deıdi Álibek Asqarov.
Onyń aıtýynsha, sońǵy jyldary kitaphanaǵa kelýshiler sanynyń tómendeý úrdisi baıqalyp otyr. Bul elektrondyq tehnologııalardyń damýymen baılanysty bolsa kerek. Óıtkeni, qazirgi tańda ýaqytty únemdegisi keletinder kitapty ınternettiń kómegimen aıfon, planshet, kompıýterler arqyly oqýǵa kóship barady.
«Alaıda, tórt tomnan turatyn «Soǵys jáne beıbitshilik» romanyn aıfonnan nemese planshetten oqý múmkin emes, ol adamdy soqyr etedi. Sondyqtan da, ýaqyt óte kele álem dástúrli kitap oqý úderisine qaıta den qoıady dep oılaımyn», - dedi Álibek Asqarov.
Budan bólek, Ulttyq kitaphana basshysy kitaphana salasyndaǵy kadr máselesine de nazar aýdartty. Onyń aıtýyna qaraǵanda, qazirgi tańda Qazaqstandaǵy kitaphanashylardyń sany 18 826 adamdy quraıdy. Jalpyǵa ortaq kitaphanalarda 9 281 adam jumys istese, olardyń 2 790-y nemese 30 paıyzy osy salanyń joǵary bilimdi, al 3 051-i orta bilimdi mamandary.
«ıAǵnı, kitaphanada jumys istep júrgenderdiń 62 paıyzy óz mamandyǵy boıynsha qyzmet etip jatyr. Alaıda, olardyń respýblıkadaǵy ortasha aılyq jalaqysy 42 myń teńgeni quraıdy», - deıdi Á.Asqarov.