«Elektrondy úkimet» jas otbasylaryna syılyq jasaıdy

ASTANA. 30 maýsym. QazAqparat - Ústimizdegi jyldyń 1 qańtarynan 15 tamyz aralyǵyna deıin eGov.kz  portaly arqyly neke tirkeýge ótinish bergen juptar „eGov.kz júrekterdi qosady„ aktsııasyna qatysyp, «Air Astana» áýe kompanııasynan kez kelgen baǵyttyń eki jaǵyna eki bılet uta alady.

Aktsııaǵa qatysý úshin erli-zaıyptylar qalalyq nemese uıaly telefonnan 1414 nómirine qońyraý shalýy (qońyraý shalý tegin) jáne operatorǵa nekeni tirkeýge bergen elektrondy ótinishiniń nómirin aıtýy qajet. Budan keıin olar syılyqqa talasatyn juptardyń qataryna avtomatty túrde engiziledi. 

Bıletterdi utyp alý oıyny Bnews.kz aqparattyq portalynyń tikeleı efırinde ótedi. Qonaqtardyń kózinshe qatysyp otyrǵan ótinishterdiń barlyq nómirleri lototronnyń barabanyna salynady, budan keıin jeńimpazdar kezdeısoq tańdaý tásili arqyly belgili bolady. Stýdııaǵa qatysýshylarmen birge belgili tulǵa qonaq retinde shaqyrylady, ol marapattaý rásimine qatysady.

„Elektrondyq úkimet„ portalynda neke tirkeýge ótinish berý jáne „eGov.kz júrekterdi qosady„ aktsııasyna qatysý múmkindigine ıe bolý úshin erli-zaıyptylardyń ekeýi de ótinish berý kezinde  www.egov.kz portalynda tirkelgen bolýy jáne olardyń elektrondyq tsıfrlyq qoltańbasy (ETsQ) bolýy tıis. Bul qyzmet „Otbasy qatynastary, azamattyq hal aktilerin tirkeý„ sanatynda qoljetimdi. Ótinimdi toltyrý kezinde bolashaq erli-zaıyptylardyń bireýi qyzmet úshin 1 AEK (2012 jyly ol 1618 teńge quraıdy) memlekettik bajdy tólem kartochkasynyń kemegimen tóleıdi. Bul jerde elektrondyq shaqyrý alǵan ekinshi tarap óziniń kelisimin ETsQ-men bekitip rastaýy tıis. Derekterdiń shynaıylyǵy tekserilgennen keıin atalǵan jup nekeni tirkeý kúni men ýaqyty kórsetilgen habarlama alady.

Sondaı-aq jas otbasy aktsııaǵa qatysý úshin  óz kelisimin 1414 nómiri boıynsha rastaýy jáne baılanys derekterin qaldyrýy tıis. Bıletterdi utý oıyny bastalmas buryn qatysýshylardyń tolyq tizimi  eGov.kz portalynda jarııalanatyn bolady.