Elektrondy sot júıesinde mınýt saıyn 100-den asa jańa qujat qalyptastyrylady
«Onlaında ómir súrý bárimiz úshin qalypty jaǵdaıǵa aınaldy. Barlyǵy da aqparatty bir «shertip» alýǵa úırendi. Sapaly ári jyldam – bul kútetin jaıt emes, ýaqyt talabyna aınaldy. Sondyqtan sheteldik áriptesterimizdiń tájirıbesin zerdeleı kele tsıfrlandyrý bizdiń jumysymyzǵa balamasyz endi dep qorytyndy shyǵarýǵa bolady», - dedi ol «Jasandy ıntellekt jáne sot pen quqyq qorǵaý júıesindegi úlken derekter: shyndyq jáne ýaqyt talaby» atty halyqaralyq ǵylymı-tájirıbelik konferentsııa barysynda.
Onyń atap ótýinshe, ınternettiń qoljetimdiligi men memlekettik derekter bazasyn jappaı tsıfrlandyrý sot óndirisin elektrondy jolǵa qoıýǵa múmkindik berdi.
«Sot óndirisiniń barlyq túri boıynsha búkil keıs elektrondy túrde qalyptastyrylady. Eń kúrdelisi elektrondy qylmystyq isti engizý boldy. 2018 jyly asa aýyr emes bir oqıǵaly isterdi bastadyq. Alǵashqy úsh jyldyń ishinde E-qylmystyq isterdiń úlesi 15-ten 30 paıyzǵa deıin artty. Ótken jyldyń ekinshi jartysynan bastap tergeý organdary qylmystyq isti júrgizýde tolyqtaı derlik elektrondy formatqa kóshti. Jyl qorytyndysyndaǵy olardyń jalpy úlesi 73 paıyzǵa jetti. 2023-2024 jyldary qylmystyq ister 100 paıyz elektrondyq túrde túsedi dep kútemiz. Tsıfrmen aıtsaq, júıemizde ár mınıýt saıyn 100-den astam jańa qujat qalyptastyrylady», - dedi Naıl Ahmetzakırov.