Elektrondy saýdadan qansha qazaqtandyq zardap shekti

NUR-SULTAN. QazAqparat – QR Saýda jáne ıntegratsııa mınıstri Baqyt Sultanov elektrondy kommertsııada quqyq qorǵaýdy jetildirý týraly aıtty, dep habarlaıdy QazAqparat tilshisi.

«Pandemııa elektrondy kommertsııada quqyqtardy qorǵaýdy jetildirý qajetiligin kórsetti. Tek 2020 jyly mınıstrlikke ınternet-dúkender men onlaın qyzmetke baılanysty 689 adam júgindi. Qabyldanǵan sharalar nátıjesinde 13,2 mln teńge qaıtaryldy», - dedi B. Sultanov onlaın rejımde halyq aldynda esep berýi kezinde.

Onyń aıtýynsha, 2021 jyldyń bes aıynda 556 adam júgingen, olarǵa 7 mln teńge qaıtaryldy.

«Osyǵan baılanysty tujyrymdama jobasynda bólek bólim qarastyrylǵan. Onda elektrondy saýda tutynýshylarynyń quqyqtaryn qorǵaýdy kúsheıtý tetikteri eskerilgen. Osy oraıda elektrondy saýda qatysýshylarynyń quqyqtary men mindetteri naqty aıqyndalady», - dedi mınıstr.

Osy oraıda ol atalǵan tujyrymda jobasyn talqylaýǵa qatysýǵa shaqyrdy, qujat mınıstrlik saıtynda ornalastyrylǵan.