Elektrondy densaýlyq pasporty qashan engiziledi
«2018 jyldyń maýsymynda ıntegratsııalyq tuǵyrnama men elektrondy densaýlyq pasportyn ilki joba retinde engizý josparlanyp otyr. Ákimdiktermen birlesip jyldyń sońyna deıin medıtsınalyq aqparattyq júıelermen barynsha qamtý josparlanǵan», - dedi ol.
Mınıstrdiń aıtýynsha, elektrondy densaýlyq pasporty arqyly dárigerler patsıenttiń densaýlyǵyna qatysty barlyq aqparatty alatyn bolady. Patsıenttiń de atalǵan aqparattarǵa qoly jetimdi. Sonymen qatar ol medıtsınalyq uıymnyń kórsetken qyzmetine de baǵa bere alady. Atalǵan nátıjege qol jetkizý úshin aldymen mınıstrlik densaýlyq saqtaýdyń ıntegratsııalanǵan tuǵyrnamasyn qurady. Tuǵyrnama bazasynda elektrondy densaýlyq saqtaý pasporty, patsıenttiń jáne dárigerdiń jeke kabınetteri bolady. Patsıenttiń jeke kabıneti azamatqa densaýlyǵynyń jaı-kúıine, densaýlyq saqtaý qyzmetteri týraly qajetti aqparattardy alýǵa múmkindik beredi. Al dárigerdiń jeke kabıneti dárigerge patsıenttiń densaýlyǵy jaıynda barlyq málimetterdi alyp, onymen keri baılanys ornatýǵa jaǵdaı jasaıdy. Degenmen, elektrondy densaýlyq pasportyn tabysty engizý úshin barlyq medıtsınalyq uıym patsıent týraly málimetterdi berýi jáne árbir medıtsınalyq qyzmetti tsıfrlyq formatta júrgizýi tıis.
«Ol úshin barlyq densaýlyq saqtaý uıymdaryn medıtsınalyq aqparattyq júıelermen 100 paıyz qamtyp, ınternetke shyǵatyn tehnıkalarmen tolyqtaı qamtamasyz etý qajet», - dedi Eljan Birtanov.
Osy rette mınıstr medıtsına qyzmetkerleriniń arasynda kompıýterlik saýattylyq máselesi de ózekti bolyp otyrǵanyn jasyrmady.
«Osy turǵydan kelgende aǵymdaǵy jyly medıtsınalyq joǵary oqý oryndarynda aqparattyq tehnologııalarǵa baǵdarlanǵan oqý baǵdarlamasyn engizý josparlanyp otyr», - dedi mınıstr.