Elektrondyq saýda: Qaraǵandyda jylyna 27 mln tapsyrys qabyldaıtyn qoıma ashylady

<p>ASTANA. KAZINFORM &mdash; Qaraǵandyda elektrondyq saýda úshin zamanaýı saýda-logıstıkalyq qoıma ashylady. Oblystyń eki áýejaıy jańǵyrtylady. Bul týraly oblys ákimi Ermaǵanbet Bólekpaev málimdedi.</p>

«Qyrkúıek aıynda Qaraǵandyda Teez marketpleısi jumysyn bastady. Qoıma termınaldyń ashylýy óńirdegi elektrondy saýdanyń damýyn jedeldetti. Platformanyń qýattylyǵy — jylyna 27 mıllıon tapsyrys. Bul shaǵyn jáne orta kásiporyndardyń iskerlik belsendiligin yntalandyrady», — dedi oblys ákimi.

Ermaǵanbet Bólekpaev logıstıkany óńirdiń ekonomıkalyq ósiminiń negizgi baǵyttarynyń biri retinde atap ótti. 

«Qaraǵandyda halyqaralyq logıstıkany damytý úshin jergilikti áýejaıdy jańǵyrtý qajet. Ýaqyt óte kele áýe aılaǵy jylyna 50 myń tonna júk tıeıtin júk termınalyna aınalady. Búginde ol Ekvadordan, Nıderlandydan, Belgııadan jáne Ońtústik-Shyǵys Azııadan kommertsııalyq júk reısterine qyzmet kórsetedi. Bolashaqta Qytaıdan Eýropaǵa ushatyn áýe kemeleriniń tehnıkalyq qonýyn ulǵaıtý josparlanýda», — dedi óńir basshysy.

Sondaı-aq, oblys ákimi Balqash áýejaıyn qaıta qurý mańyzdy joba ekenin atap ótti. 

«Bolashaqta bul joba áýejaıdyń ótkizý qabiletin 30%-ǵa arttyryp, basqa óńirlermen áýe qatynasyn jaqsartýǵa múmkindik beredi», — dedi ákim.

Aıta keteıik, Qaraǵandy oblysynda jyl sońyna deıin 500 myń sharshy metr turǵyn úı salynady. 

Óńir ekonomıkasyna jyl basynan beri 680 mlrd teńge ınvestıtsııa quıyldy.

Oblystaǵy Saran qalasy tarıhta tuńǵysh ret eleýli salyq túsimin qalyptastyra bastady.

Al Qaraǵandy, Balqash, Temirtaý jáne Shahtınsk qalalarynda ınjenerlik ınfraqurylymdy jańǵyrtý boıynsha 14 joba iske asyrylýda.

Odan bólek, Qaraǵandy oblysy eldiń jumysshy mamandyqtar daıyndaý ortalyǵyna aınalmaq.

Sondaı-aq, Qaraǵandy oblysynda 1 myń shaqyrymnan astam jol jóndelgeni habarlandy.

Buǵan deıin oblys ákimi Saranda jańadan salynǵan jylý qazandyǵy nege tolyq jumys istemeı turǵanyn túsindirgen edi.