Elektromobılderdiń álemdik baǵasy tómendeýi múmkin

<p>ASTANA. KAZINFORM &ndash; Álemdegi elektromobılderge arnalǵan akkýmýlıatorlardy shyǵaratyn eń iri qytaılyq CATL kompanııasy bıyl akkýmýlıatorlarynyń qunyn 50%-ǵa deıin tómendetetinin málimdedi, dep habarlaıdy <a href="https://asiatimes.com/2024/03/battery-price-war-in-china-means-cheaper-evs-everywhere/" target="_blank" rel="noopener">The Asia Times</a>.&nbsp;</p>

CATL jáne naryqtyń taǵy bir kóshbasshysy BYD endi Kongo Demokratııalyq Respýblıkasyndaǵy balalar eńbegi jáne qaýipti taý-ken óndirisimen baılanysty qymbat jáne tapshy metall kobaltty paıdalanbaı shyǵarylǵan elektromobılder akkýmýlıatorlaryn óndiredi. 

Elektr jáne gıbrıdti kólikterdiń eń úlken naryǵy – Qytaı, biraq ondaǵy elektr kólikterine  2022 jyly 96% suranys ósimnen 2023 jyly 36% ósimge deıin tómendedi. Sol sebepti akkýmýlıatorlyq alpaýyt CATL kirisi shamamen eki jyl ishinde alǵash ret tómendedi. 

Sońǵy ýaqytqa deıin elektromobıl akkýmýlıatorlarynyń hımııalyq quramy lıtıı, nıkel, marganets jáne kobaltqa negizdelgen. Olar NMC batareıalary retinde de belgili. Bul batareıalar arzanyraq, sebebi quramynda kobalt joq. Olardyń basqa da artyqshylyqtary bar: dástúrli lıtıı batareıalaryna qaraǵanda uzaq qyzmet etedi jáne órt qaýpi az. Kemshiligi – syıymdylyǵy men kerneýi tómen. 

Buǵan deıin Ózbekstanda qytaılyq brend elektromobılderin shyǵarý jolǵa qoıylǵany týraly habarlanǵan bolatyn.