Elektromobılderdi qýattaıtyn stantsııalar iri kólik dálizderi boıynda ornatylady

<p>ASTANA. KAZINFORM &ndash; Іri kólik dálizderiniń boıynda elektromobılderdi qýattaıtyn stantsııalardy ornatý josparlandy. Bul týraly Kólik mınıstrligi Avtomobıl joldary komıteti tóraǵasynyń orynbasary Anar Ǵabdýllına aıtty.</p>

«Qazirgi kezde respýblıkalyq mańyzy bar joldardyń boıynda kólikterge elektr qýatyn beretin 23 stantsııa bar. Sonymen qatar osy baǵytta ulttyq operator osy stantsııalardyń sanyn kóbeıtý jumysyn jalǵastyryp jatyr. Elektr energııasymen qýattaıtyn stantsııalardy jetkizip jatqan «Qazaq Energy Charge» JShS, «MyCharge» jáne «Green Car» kompanııalarymen birlese jol boıynda atalǵan stantsııalardy ornatýǵa arnalǵan tıisti alańdar anyqtalyp jatyr. Qondyrǵylar «Ortalyq-Ońtústik» dálizi, «Astana-Almaty», «Almaty-Shymkent» boıynda ornatylady», - dedi A.Ǵabdýllına Ortalyq kommýnıkatsııalar qyzmetindegi baspasóz máslıhatynda.

Onyń aıtýynsha, bul qondyrǵylarǵa elektr energııasyn tartý jumystaryn ınvestorlar júzege asyrady. Olardy ornatý kartasyn ınvestorlar men «QazAvtoJol» kompanııasy birlese bekitedi.

Budan buryn habarlanǵandaı, bıyl jazda Qazaqstan aýmaǵyndaǵy elektromobıl sany 11 myńǵa jetti.