Elektrmen jabdyqtaý nysandaryn salýǵa jáne jańǵyrtýǵa 30,6 mlrd teńge qajet
«Elektrmen jabdyqtaý nysandaryn salýǵa jáne rekonstrýktsııalaýǵa 30,6 mlrd teńge qarjy bólý usynylady. Atap aıtsam, Arqalyq qalasyndaǵy jylý elektr ortalyǵyn rekonstrýktsııalaýǵa 8,2 mlrd teńge qajet. Bul joba qala úshin óte mańyzdy. Sebebi qazirgi tańda jylý elektr ortalyǵynyń tozyǵy jetken. Atalǵan ortalyq mazýtty qoldanǵan soń, onyń ózindik quny joǵary. Sondyqtan jyl saıyn 2 mlrd teńge kóleminde sýbsıdııa bólinedi. Eger, jylý elektr ortalyǵyn kómirge aýystyrsaq, onda ortalyq sýbsıdııa bólýdi qajet etpeıdi. Qazyna únemdeledi. Sondaı-aq, Arqalyq qalasynyń 12 myń abonentiniń elektr jáne jylý sapasy artady»,- dedi Q.Bozymbaev.
Mınıstr Astana, Shymkent qalalary men Mańǵystaý oblysyndaǵy elektr berý jelilerin salý jobalaryna 19,9 mlrd teńge qajet ekenin aıtty. Atap aıtqanda, Shymkent qalasynda 110 kV-tyq eki shaǵyn stansa salýǵa 11,7 mlrd teńge kerek. Bul jobalar qalanyń ońtústik-batys bóligindegi jańa móltek aýdandardyń turǵyndaryn sapaly elektrmen jabdyqtaýǵa múmkindik beredi.
«Al Mańǵystaý oblysynda bir shaǵyn stansany jáne odan tartylatyn elektr jelisin salýǵa 8,2 mlrd teńge bólý qajet. Bul jańa shaǵynaýdandar men qalanyń jańa ortalyǵy jáne irgeles jatqan eldi-mekenderdiń jalpy sany 100 myń turǵynyn elektr energııamen qamtıdy. Astana boıynsha 2 joba bar. Ilınka aýylynda jáne Slobodka aýdany Bógenbaı batyr-Kenesary-Kúmisbekov kóshesi-Saryarqa dańǵylynyń shekaralary boıynsha ınjenerlik jeliler salýǵa jalpy somasy 2,4 mlrd teńge bólý qajet. Osylaısha 20 myń abonent sapaly elektr energııany tutynatyn bolady»,- dedi Q.Bozymbaev.