Elektr jylytqysh paıdalanatyn turǵyndar neni eskerýi kerek
«Qazirgi qubylmaly aýa raıy kezinde turǵyndardyń kóbi elektr jylytqysh paıdalana bastaıdy. Búgingi tańda órt qaýipsizdigi talaptaryna sáıkes elektr jylytqyshty paıdalanýǵa tyıym salynbaǵan. Alaıda atalǵan olarǵa qoıylatyn birqatar talap bar. Birinshisi, olar mindetti túrde zaýytta jasalýy tıis. ıAǵnı qoldan jasalǵan jylytqysh quraldardy, jylytý qondyrǵylaryn paıdalanýǵa tyıym salynady», - dedi TJD apat qaýpin azaıtý men azamattyq qorǵanys salasyn baqylaý basqarmasynyń bastyǵy Erkin Otarǵalymuly elorda ákimdigindegi onlaın brıfıng barysynda.
Onyń aıtýynsha, atalǵan jylytqyshtardyń, ıaǵnı maıly radıatorlardyń jylýdy rettegishi bolýy tıis.
«Turǵyndar jylytý quraldaryn, ásirese elektr jylytqysh pen qondyrǵylaryn paıdalana bastaǵan kezde úıdegi elektr jelilerine qosymsha qysym túsedi. Al úıdegi elektr jelileri jaramsyz kúıde bolsa, symdardyń oqshaýlaǵysh qabattary buzylsa, elektr symyn montajdaý kezindegi kemshilikter túzelmese – olar qyzyp, arty qysqa tuıyqtalýǵa ákep soǵýy múmkin. Bul da - órt shyǵýynyń basty sebepteriniń biri. Osy oraıda aıtarym - atalǵan máselelerge mán berip, úıdegi elektr jelilerin tekserý kerek», - dedi ol.