Elektr energııasyna tarıfti qalyptastyrý úderisi retteletin bolady - Energetıka mınıstrligi

ASTANA. QazAqparat - Qazaqstanda elektr energııasyna tarıfti qalyptastyrý úderisi retteletin bolady. Búgin Senattyń Ekonomıkalyq saıasat, ınnovatsııalyq damý jáne kásipkerlik komıtetiniń múshelerimen kezdesý barysynda Energetıka vıtse-mınıstri Baqytjan Jaqsalıev osylaı málim etti.

Vıtse-mınıstrdiń aıtýyna qaraǵanda, «Elektr energetıkasy týraly» jańa zań jobasyn ázirleýge negizinen ınvestıtsııalyq klımatty jaqsartý, saladaǵy naryq sýbektileri arasynda ózara baılanystyń tıimdiligi men ashyqtyǵyn qamtamasyz etý qajettiliginen týyndap otyr. Budan bólek, jańa zań jobasy elektr energetıkasyna baqylaý men qadaǵalaýdy jetildirýdi qarastyrady.

«Zań jobasy aıasynda elektr energııasyn berý boıynsha tarıfterdi belgileýdi jetildirý abonettik tólem engizý arqyly jetildirilmek. Sonymen qatar elektr energetıkasy salasyndaǵy zańnama salanyń ınvestıtsııalyq tartymdylyǵyn tolyq kólemde aqtaı almaı otyr. Sondyqtan da aldaǵy ýaqytta bul máseleni tıimdi sheshý úshin uzaqmerzimdi ınvestıtsııalyq kelisimsharttar jasaý qarastyrylady, bul rette elektr óndiretin nysandar úshin naqty mindettemeler qamtylady», - deıdi vıtse-mınıstr.

Onyń aıtýynsha, zań jobasy aıasynda elektr energııasy naryǵyndaǵy ózara baılanystardy júzege asyrý barysynda ashyqtyqty qamtamasyz etý úshin naryqtyq keńes qurý kózdeledi.

Tutastaı alǵanda, satyly damýǵa sáıkes, 2030 jylǵa qaraı elektr energııasyn tutyný jylyna 130 mlrd kVt/saǵatty quraıdy.