Elektr energııasy 6,5 paıyzǵa arzandady

ALMATY. QazAqparat – Qazaqstanda elektr energııasynyń quny 6,5%-ǵa arzandady, dep habarlaıdy QazAqparat tilshisi Energyprom resýrsyna silteme jasap.

Jazdyń sońyna qaraı elde saǵatyna 69,6 mlrd kVt elektr energııasy óndirildi. Bul ótken jylmen salystyrǵanda 2,3%-ǵa kem.

Alǵashqy jartyjyldyqtyń qorytyndysy boıynsha elektr energııasynyń 80,5% - jylý elektr stansalarynyń enshisinde, 9,7% - gıdroelektrostansalary, 8,6%-yn gazotýrbındi stansalar óndirgen.

Jel elektr stansalary búkil elektr energııasynyń tek 0,9% ǵana óndirgen. Bul kórsetkish byltyrǵy jyldyń kórsetkishimen salystyrǵanda 40 paıyzǵa artyq.

Qańtar-shilde aralyǵynda Qazaqstannyń keı óńirlerinde elektr energııasy 6,5%-ǵa arzandady.

Baǵalardyń arzandaýy Atyraý, Mańǵystaý, Almaty oblystarynda tirkeldi.

Bir aıta keterligi, byltyr qańtar-shilde aralyǵyndaǵy elektr energııasynyń quny 2017 jylmen salystyrǵanda 5,5%-ǵa qymbattaǵan.