Elektr energetıkasy salasyndaǵy jabdyqtardy qalpyna keltirý kerek - sarapshy
Aıta keteıik, Energetıka mınıstrligi elektr energııasyna arnalǵan tarıfterdi kóterý týraly buıryǵynyń jobasyn jarııalady. Qujat naýryzdyń 25-ine deıin talqylaýǵa shyǵaryp otyr. Osyǵan oraı energetıka jónindegi sarapshy atalǵan buıryqqa qatysty túsindirme berdi.
«Tarıfti birtindep kóterip, merzimin belgilep, ádil ádisteme ázirleý kerek. Mysaly, AQSh-taǵy sońǵy jaǵdaı: elektr qýatyn óshirgen kezde, kóptegen adamdar JEK-ty kinálady, bul jerde shyndyq bar, alaıda tolyq emes. Baǵasy tutynýǵa baılanysty. Shekteýlerge deıin olar bir baǵany tóledi, shekteýlerden keıin tarıfter ózgerdi. Tapshylyq bolǵanda – baǵa kóterildi. Osyndaı júıege aýysyp, sol boıynsha jumys jasaýdyń qajeti joq, óz ádistememizdi ázirleý kerek. Sebebi Retteýshi tarıfti ózine yńǵaıly bolatyndaı jasaı almaıdy. Jabdyqty paıdalanýdy energetıkter de júzege asyrady jáne olardyń 80 paıyzǵa tozýy bir kúnde paıda bolmaǵanyn, ol jyldar boıy qalyptasqanyn jaqsy biledi», - dedi sarapshy.
Onyń atap ótýinshe, tarıfterdiń kóterilýinen energııa únemdeý bolady.
«Azyq-túlik baǵasy ósken kezde, onyń ózindik quny ósedi. Al, elektr energııasy týraly aıtatyn bolsaq, olar da tıimdi tabysqa jetýdi qalaıdy. Tarıfterdiń kóterilýine baılanysty energııa únemdeý kompanııasy júretinin túsiný mańyzdy. Adamdar jaryq pen jylýdy únemdeýdi úırenedi, óıtkeni onyń baǵasy arzan bolmaıdy. Óńirlerde 5-7 jyl ishinde qajetti jabdyqty qalpyna keltirý úshin jaryqtyń baǵasyn kem degende 2-3 teńgege kóterý kerek», - dedi Jaqyp Haırýshev.
Sonymen qatar ol atom elektr stansasyna qatysty pikir bildirdi.
«AES jáne jańartylatyn energııa kózderi (JEK) aınalasynda da kóptegen másele kóterilýde. Kóptegen adamdar AES pen JEK eldegi energııa tapshylyǵy máselesin sheshedi dep sanaıdy. JEK erekshe tásildi qajet etedi, jalpy osy baǵytta kóp jumys júrgizilýde. Qazirgi jylyna 3-5% kórsetkishteri de jaman emes. AES salý da aýqymdy ınvestıtsııany salýdy talap etse de, energetıka salasyndaǵy problemalardy tıimdi sheshetin bolady. Búgingi 21 ǵasyrda barlyq tehnologııalar bar, mysalǵa Belarýsti alatyn bolsaq, bul shaǵyn el jáne tutyný kólemi óte tómen. Bizde jarylys fobııasy bar, osynymen jumys jasaý qajet, halyqqa AES-ten qorqýdyń qajeti joq ekenin habarlaý kerek», - dedi sarapshy.