Eldos Smetov Parıj Olımpıadasyna joldama aldy

<p>ASTANA. KAZINFORM &ndash; Almatyda dzıýdodan 60 keli salmaqta úsh balýan arasynda ótkizilgen Olımpıadaǵa irikteý týrnıri aıaqtaldy.<strong> </strong>Qazaqstandyq tanymal dzıýdoshy Eldos Smetov sheshýshi beldesýde Nurqanat Serikbaevty jeńip, tórtjyldyqtyń basty dodasyna lıtsenzııa utyp aldy.&nbsp;</p>

Eldos alǵashqy kezdesýinde Maǵjan Shamshadındi san soqtyrdy. Óz kezeginde Nurqanat Serikbaev ta irikteý týrnırinde M. Shamshadınnen basym túsip, Olımpıada joldamasyna talasýǵa múmkindik alǵan. 

Alaıda 60 keli salmaqtaǵy tartysty ótken beldesýdiń Golden Score kezeńinde qos balýan 9 mınýt kúresti. Tájirıbeli sportshy Eldos Smetov bozkilemdegi shıraqtyǵynyń arqasynda Waza-Ari upaıyn enshiledi. Osylaısha ol úshinshi ret Olımpıadaǵa barý múmkindigine ıe boldy. Cmetov buǵan deıin Rıo Olımpıadasynda kúmis, Tokıo Olımpıadasynda qola medal ıelengen bolatyn. 

– Eldostyń búgingi qarsylastarynan myqty ekenin moıyndaýymyz kerek. Endi oǵan Parıjge jaqsy daıyndalyp, Frantsııa astanasynda Qazaqstannyń atynan sátti shyǵýyna tilektespin», - dedi ulttyq sanattaǵy sýdıa Baqyt Matyshev. 

Eske salsaq, Olımpıadaǵa joldama alý úshin úsh dzıýdoshymyz ózara irikteý beldesýin ótkizetinin jazǵan edik.