Eldos naǵyz chempıondyq minez kórsetti - Gennadıı Golovkın

<p>PARIJ. KAZINFORM &ndash; QR Ulttyq Olımpıada komıtetiniń prezıdenti Gennadıı Golovkın dzıýdoshy Eldos Smetovti Parıjdegi Olımpıada oıyndarynda top jarýymen arnaıy quttyqtady.</p>

«Bizdiń dańqty sportshymyz Eldos Smetovti Olımpıada oıyndaryndaǵy jeńisimen quttyqtaımyn! Eldos bul medalǵa qol jetkizý úshin úsh olımpıadalyq tsıkldi artta qaldyryp, óziniń naǵyz chempıondyq minezin kórsetti! Bul altyndy Eldos almaǵanda, kim alady?! Ulttyq Olımpıadalyq komıtet atynan Eldos pen onyń bapkeri Ǵalymjan Jylgeldıevti Parıj Olımpıadasyndaǵy altyn medalmen quttyqtaımyn! Eldostyń jeńisti bastamasy ulttyq qurama úshin jalǵasyn taba bersin! Alǵa, Qazaqstan!» - dedi QR Ulttyq Olımpıada komıtetiniń prezıdenti Gennadıı Golovkın.

Esterińizge sala keteıik, Parıj Olımpıadasynda sportshylarymyzdy qoldaýǵa kelgen QR Týrızm jáne sport mınıstri Ermek Marjyqpaev Eldos Smetovtiń jeńisinen keıin Kazinform tilshisine shaǵyn suhbat berip, óz oıymen bólisken bolatyn.