Elimizdegi úzdik robototehnıkter anyqtaldy
Almatydaǵy fızıka-matematıka baǵytyndaǵy Nazarbaev Zııatkerlik mektebiniń bazasynda jınalǵan 272 oqýshy eki kún boıy RoboMission, Future Innovators, RoboSports jáne Future Engineers sanattarynda baq synady. Bıylǵy jarysqa qatysýshylardyń jartysynan kóbi jalpy bilim beretin mektepterden kelgenin, olardyń ishinde 16 komanda aýyldyq oqýshylardan quralǵanyn atap ótken jón.
WRO baıqaýynyń bıylǵy taqyryby – «Jer-Ana qamqorshylary». Erejege sáıkes RoboMission sanatynda oqýshylar arnaıy arenada belgili bir mıssııalardy oryndaıtyn robottardy baǵdarlamalap, praktıkalyq tapsyrmalardy sheshedi. Al, RoboSports sanattarynda baǵdalarlamalaý arqyly sporttyq saıystarǵa derbes túrde qatysa alatyn robottardy jınaıdy. Future Engineers sanatynda robototehnıka jáne ınjenerııa prıntsıpterin qoldana otyryp, kúrdeli tehnıkalyq tapsyrmalarǵa arnalǵan ınjenerlik sheshimderdi qurastyrady. Future Innovators sanatyndaǵy ónertapqyshtar adamdardyń tabıǵatpen úılesimdi ómir súrýine kómektesetin, joıqyn tabıǵı qubylystardan qorǵaı alatyn, klımaty qatal jerlerde turýǵa jaǵdaı jasaıtyn robot modelderin ázirleıdi.
Olımpıadanyń ashylý saltanatynda «Nazarbaev Zııatkerlik mektepteri» DBBU Basqarma tóraǵasy Ánýar Janǵozın jas robototehnıkterdiń aldynda erekshe mıssııa turǵanyn atap ótip, olarǵa úlken senim artatynyn bildirdi.
– Bıylǵy taqyryp – óte ózekti. Qorshaǵan ortany qorǵaý, tabıǵatqa janashyrlyq tanytý – árbirimizdiń mindetimiz. Degenmen ekologııalyq máseleler jyl ótken saıyn kúrdelenip, olardy sheshý úshin jańa tehnologııalar men ınnovatsııalyq tásilder qajet bolýda. Sondyqtan bıylǵy jarysta usynylatyn jobalar tabıǵat pen adamzattyń úılesimdi ómir súrýine úles qosady dep senemin. Bul mindetterdi sheshý siz sııaqty jastardyń qolynda, - dedi Basqarma tóraǵasy.
Future Innovators, ıaǵnı shyǵarmashylyq sanat boıynsha tóreshilerge 50 joba usynyldy. Jas robototehnıkterdi sý tasqyny, jer silkinisi, jahandyq jylyný, ekologııa, aýyz sý tapshylyǵy jáne basqa da ǵalamdyq máseleler alańdatady. Mysaly, elordadaǵy Nazarbaev Zııatkerlik mektebiniń oqýshylary Taır Tursynhan men Qalıaqpar Baımuhan sý tasqyny kezinde adamdarǵa kómek kórsetetetin robot ázirledi.
– Búgingi kúni planetamyzdyń temperatýrasy bir gradýsqa kóterildi jáne bul protsess jalǵasýda. Bul mıllıondaǵan tekshe metr sýdyń býlanýyna jáne jaýyn-shashynnyń kóbeıýine ákelýde, sonyń saldarynan sý tasqyndarynyń qaýpi de artyp keledi. Bıylǵy kóktemde osyndaı tasqyndardyń kýási boldyq. Sondyqtan biz adamdarǵa qaýipti aımaqtan tez shyǵýǵa jáne qaýipsiz jerge jetýge kómektesetin qutqarýshy robot jasaýdy qolǵa aldyq, - deıdi Taır Tursynhan.
Jambyl oblysy Baızaq aýdanynyń N. Kıikbaev atyndaǵy aýyldyq mektep-gımnazııasynyń oqýshylary Beksultan Aıdar men Jansultan Oshaqbaı aýyl sharýashylyǵymen aınalysatyn adamdarǵa arnalǵan «Ekoaýyl» jobasyn tanystyrdy. Bul bastama qashyqta ornalasqan aýyldyq aımaqtardaǵy jumysty jeńildetý úshin avtomattandyrýǵa jáne kún, jel, sý sııaqty jańartylatyn energııa kózderin paıdalanýǵa baǵyttalǵan.
Olımpıadanyń nátıjesi boıynsha RoboMission. Elementary, RoboMission. Junior jáne RoboMission. Senior sanattarynda Astanadaǵy Robotek mektebinen kelgen Gleb Lıstopadnıı men Ádilhan Mýkýshev, Amandos Áýbákir men Ákejan Jetpisbaev, Ańsar Saýrbaev pen Marat Kazkenov jeńimpaz atandy.
RoboSports sanatynda oraldyq ónertapqyshtar Nurdáýlet Hamza men Arýjan Kýrmatova, Future Engineers sanatynda Qyzylordadaǵy Nazarbaev Zııatkerlik mektebiniń oqýshylary Ernur Sádý men Aldııar Appaz jeńis tuǵyrynan kórindi.
Taldyqorǵandaǵy Nazarbaev Zııatkerlik mektebiniń órenderi Alınur Rınatuly men Nuralı Nurjan Future Innovators. Elementary sanatynda, Serjan Qaldybek pen Aqnıet Moldakerımov Future Innovators. Junior sanatynda, Іńkár Qurmanbaeva men Aıym Baýyrjanqyzy Future Innovators. Senior sanatynda birinshi oryndardy ıelendi.
Aıta keteıik, respýblıkalyq chempıonatta úzdik nátıje kórsetken komandalar qarasha aıynda WRO–2024 olımpıadasynyń Túrkııada ótetin álemdik kezeńinde el namysyn qorǵaıdy.
Eske salsaq, «Nazarbaev Zııatkerlik mektepteri» DBBU – 2014 jyldan beri World Robot Olympiad halyqaralyq robototehnıka olımpıadasynyń Qazaqstandaǵy Ulttyq uıymdastyrýshysy. 10 jyl ishinde NIS elimizdegi robototehnıka salasynyń damýyna jáne otandyq komandalardyń halyqaralyq deńgeıdegi jetistikterine aıtarlyqtaı úles qosty.