Eldiń batysyndaǵy gaz problemasy: Aqtaýda da uzyn-sonar kezek

<p>AQTAÝ. KAZINFORM &ndash; Qalada suıytylǵan gazdyń jetispeýshiligi baıqalady. Kólik júrgizýshiler bul problemanyń bir apta buryn bastalǵanyn aıtýda.</p>

-Gaz quıý beketteriniń basym bóliginde gaz joq. Sondyqtan gaz bar beketterde uzyn-sonar kezek, - deıdi olar.

Mańǵystaý oblystyq energetıka jáne turǵyn úı-kommýnaldyq sharýashylyǵy basqarmasynyń basshysy Berdibek Qartbaevtyń málimetinshe, gaz jetispeýshiligine Atyraý munaı óńdeý zaýytyndaǵy jóndeý jumystary sebep bolǵan.

Foto: Kazinform/Aıagóz Іzbasarova

 

«Mańǵystaý oblysyna aı saıyn 18 000 tonna suıytylǵan gaz jetkiziledi. Onyń 16 000 tonnasy Jańaózendegi «Qazaqgazóńdeý» zaýytynan jáne qosymsha 2 000 tonnasy Atyraý munaı óńdeý zaýytynan (AMÓZ) keledi. Qazan aıyndaǵy jóndeý jumystaryna baılanysty Atyraý munaı óńdeý zaýytynan gaz jetkizýde úzilis bolyp, oblysqa tek 17 000 tonna jetkizildi. Bul keıbir avtogazquıý stantsııalarynda (AGQS) ýaqytsha kezektiń týyndaýyna sebepshi boldy», - deıdi basqarma basshysy.

Aıta keteıik, qazirgi tańda Atyraý zaýytyndaǵy jóndeý jumystary aıaqtalǵan. Qarasha aıynda aımaqqa qajetti kólemdegi suıytylǵan gaz jetkiziledi dep kútilýde.

Basqarma basshysynyń aıtýynsha, oblys ákimdigi jaǵdaıdy baqylaýda ustap, gaz quıý beketterindegi kezek pen kógildir otyndy tasymaldaý barysyna monıtorıng jasalýda. Baǵany turaqty ustaý boıynsha sharalar qabyldanyp, oblys ortalyǵynda kóterme baǵa 1 lıtr úshin 59 teńge deńgeıinde, al shalǵaı aýdandarda 64 teńge deńgeıinde saqtalǵan.

Mańǵystaý oblysynda 462 avtogazquıý stantsııasy jáne 4 gaz jelisi uıymy jumys isteıdi.

Eske sala keteıik, búgin ǵana Batys Qazaqstan oblysynda da gaz tapshylyǵy týyndap, gaz quıý stansalarynda uzynsonar kezek paıda bolǵanyn habarlaǵan edik.