Eldiń barlyq óńirinde dabyl júıesi iske qosylady

<p>ALMATY. KAZINFORM - Búgin, 21 qarashada saǵat 11:00-de Qazaqstannyń barlyq óńirinde dabyl qaǵylady.</p>

Almaty qalalyq Tótenshe jaǵdaılar departamentiniń málimetinshe, bul «Qys-2024» komandalyq-shtabtyq oqý-jattyǵý aıasynda bolady.

Sonymen 21 qarasha saǵat 11:00-de elektrdabyldar men dabyldy-sóıleý qurylǵylary iske qosylady. Bul is-shara halyqtyń «Barshanyń nazaryna!» biryńǵaı qulaqtandyrý sıgnalyna den qoıý tártibin pysyqtaýǵa baǵyttalǵan.

«Dybystyq sıgnaldy estigennen keıin teledıdarlar men radıoqabyldaǵyshtardy qosyp, ınternet-resýrstardaǵy jáne mobıldi qosymshalardaǵy aqparatty oqyp, qazirgi jaǵdaıda odan ári áreket etý boıynsha nusqaýlar alý qajet»,- delingen habarlamada.

Buǵan deıin, Almatyda Mass Alert jer silkinisin eskertý júıesi synaqtan ótken bolatyn.