Eldiń turǵyn úı qorynyń 35 paıyzy aýyldarda shoǵyrlanǵan

ASTANA. QazAqparat – Aýyldarda turǵyn úı qurylysyn damytý jónindegi baǵyttar eskerilmegen. Bul týraly QR Parlamenti Senatynyń depýtaty Serik Shaıdarov aıtty, dep habarlaıdy QazAqparat tilshisi.

«Aýyldarda turǵyn úımen qamtamasyz etý jónindegi baǵdarlamalar eskerilmegen. Ulttyq ekonomıka mınıstrliginiń derekterine qaraǵanda, Qazaqstanda halyqtyń 41 paıyzy nemese 7,8 mln adam turatyn 6 293 aýyl bar. Sonymen birge, aýyldarda eldiń turǵyn úı qorynyń tek 35 paıyzy nemese 137,5 mln sharshy metri shoǵyrlanǵan», - dedi S. Shaıdarov Senattaǵy Úkimet saǵatynda.

Onyń aıtýynsha, aýyldyń bir turǵynyna shaqqanda turǵyn úı aýmaǵy jalpy aýdany 19,8 sharshy metrden kelse, al bir qala turǵynyna 25,5 sharshy metr tıesili, ıaǵnı 1,3 ese kóp.

«Bul rette mundaı alshaqtyq tek ulǵaıatyn bolady, óıtkeni búginde halyqty turǵyn úımen qamtamasyz etý jónindegi baǵdarlamalyq qujattarda aýyldarda turǵyn úı qurylysyn damytý jónindegi baǵyttar joq», - dedi senator.