Eldiń basym bóliginde naızaǵaı oınap, jel turady, birneshe oblysta órt qaýpi bar - Qazgıdromet

ASTANA. QazAqparat - «Qazgıdromet» RMK-sy qyrkúıektiń 1-i kúngi aýa raıy oljamyn jarııalady, dep habarlaıdy QazAqparat.

Kásiporynnyń boljamyna qaraǵanda, búgin Qazaqstannyń basym bóliginde atmosferalyq frontaldy bólikterdiń ótýine oraı kún qubylmaly bolady. Eldiń soltústik-batysynda, soltústigine, ońtústiginde, ońtústik-shyǵysynda jańbyr jaýady. Jaýyn ońtústik-shyǵystaǵy taýlardada (jańbyr, jylbysqy qar) jaýady. Tek elimizdiń batysynda, ońtústik-batysynda kún jaýyn-shashynsyz bolady.

Respýblıka boıynsha naızaǵaı oınap, jel turady, burshaq jaýady. Ońtústik-batysta, ońtústikte shańdy daýyl turyp, ońtústik-shyǵysta daýyl turady. Eldiń soltústik-batysynda, soltústiginde, ońtústik-shyǵysynda tuman túsedi.

Jambyl oblysynda, Qyzylorda oblysynyń shyǵysynda, ońtústiginde, ortalyǵynda, Atyraý oblysynyń soltústik-batysynda, soltústik-shyǵysynda, ońtústiginde, Aqtóbe oblysynyń batysynda, Batys Qazaqstan oblysynyń soltústiginde tótenshe órt qaýpi saqtalady.

Batys Qazaqstan oblysynyń ortalyǵynda joǵary órt qaýpi, oblystyń ońtústik-batysynda, soltústik-batysynda, shyǵysynda tótenshe órt qaýpi saqtalady.

Pavlodar, Qaraǵandy, Ulytaý oblystarynyń ońtústiginde, Abaı oblysynyń batysynda, soltústiginde joǵary órt qaýpi saqtalady.