Eldi mekenderdiń elektrondy kartalary qalaı jasalady

NUR-SULTAN. QazAqparat - Eldi mekenderdiń jer ústi jáne jer asty kommýnıkatsııalaryn túgendeý jáne tsıfrlandyrý, aýmaqtyń sandyq josparlaryn qurý memlekettik qala qurylysy kadastrynyń bazalyq deńgeıine ený úshin júzege asyrylady. Bul týraly Qurylys jáne turǵyn úı-kommýnaldyq sharýashylyq isteri komıtetiniń baspasóz qyzmeti habarlaıdy.

«Memqalaqurylyskadastry» RMK bas dırektory Musabaev Turlybek Túrkpenulynyń aıtýy boıynsha: «Biz jasap jatqan jumys óte ózekti. Injenerlik kommýnıkatsııalardy tsıfrlandyrý jelidegi júktemeni baqylaýǵa jáne ýaqytynda qýattylyqty arttyrýǵa, jóndeýdi josparlaýǵa jáne jańa qondyrǵylardy ınjenerlik jelilerge qosý protsesin jeńildetýge múmkindik beredi. Joldardy jylýmen jabdyqtaý obektilerin, sýmen jabdyqtaý, kanalızatsııa lyq nysandardy jóndeý jáne basqa qurylys-montajdaý jumystary kezinde jelilerdiń apattyq deńgeıi aıtarlyqtaı tómendeıdi. Qazir túgendeý protsesi Jerdi qashyqtan zondtaý materıaldaryn qoldana otyryp jedeldetilýde jáne jeńildetilýde: pılotsyz ushý apparattarynan aerofototúsirilim (P U A) jáne ǵaryshtyq sýretter túsirý «.

« Memqalaqurylyskadastry « RMK «Delair UX11» ushaq tıpti P U A-n y qoldana otyryp, joǵaryda atalǵan jumystardy júrgizedi. Ushaqty ń aerofototúsirilim materıaldary arnaıy baǵdarlamalyq jasaqtama kómegimen muqııat taldanady. Nátıjesinde ortofotomap qalyptasady - eldi mekender aýmaǵynyń jalpy aýdany 3230 ga bolatyn 1:500 masshtabynda kadastrlyq josparlardy qurýdyń tsıfrlyq kartografııalyq negizi.

Pılotsyz júıelerdi paıdalaný jeke turǵyn úılermen qamtylǵan aýdandarda jetý qıyn (ár aýlaǵa kirý múmkindigi bolmaǵan kezde ) oryndardy túsirýge óte tıimdi . Qazirgi ýaqytta bul jumystar Pavlodar, Shymkent, Petropavl, Aqtóbe, Oral, Taraz, Qyzylorda, Óskemen jáne Aqtaý qalalarynda júrgizilýde.

Túgendeý nátıjeleri boıynsha barlyq kommýnıkatsııalar men ǵımarattardyń ornalasýy týraly egjeı-tegjeıli aqparatpen eldi mekenderdiń tsıfrlyq elektrondyq kartasy jasalady. Sandyq karta obektiler men aýmaqtyń aǵymdaǵy tehnıkalyq jaǵdaıy týraly, sonymen qatar ákimdikter men áleýetti ınvestorlardyń aýmaqty damytýdy josparlaý kezinde ońtaıly basqarý sheshimderin qabyldaý qabilettiligi týraly obektıvti túsinik beredi.