Elden ketken Aýǵanstan prezıdenti Facebook jelisinde úndeý joldady

KABÝL. QazAqparat - Jeksenbide Aýǵanstan prezıdenti Ashraf Ǵanı Facebook-tegi paraqshasynda qantógisti boldyrmaý úshin elden ketkenin málimdedi. Bul týraly QazAqparat VVS-ge silteme jasap habarlaıdy.

«Búgin men qıyn tańdaý jasadym. Ol saraıǵa basyp kirýge umtylǵan qarýly táliptermen betpe -bet kezdesý, nemese sońǵy 20 jylymdy qorǵaýǵa arnaǵan tamasha elimdi tastap ketý», - dep jazady prezıdent.

Ganıdiń paıymdaýynsha, eger ol Aýǵanstandy tastap ketpese, tálipter Kabýlǵa shabýyl jasar edi. Bul beıbit turǵyndardyń qan tógýine soqtyrady.

Memleket basshysynyń aıtýynsha, tálipter qylysh pen qarý -jaraq shaıqasynda jeńiske jetti jáne endi óz otandastarynyń namysy men baılyǵyn qorǵaýǵa tolyq jaýapkershilikti alady.

«Biraq olar júrekterdi jaýlaı almady jáne zańdy bola almady. Tarıhta buryn -sońdy eshkimge zańdylyqty bergen bir bılik bolǵan emes. Olarǵa da bermes», - dep jazdy Ǵanı.

Budan buryn habarlanǵandaı , «Talıban» ókilderi Aýǵanstan astanasy Kabýlǵa shabýyl jasady.

Eske salsaq, buǵan deıin Memleket basshysy Qasym-Jomart Toqaev Aýǵanstandaǵy jaǵdaı boıynsha kúshtik qurylymdardyń basshylarymen jıyn ótkizgeni týraly habarlandy.

«Talıban» qozǵalysynyń sodyrlary Aýǵanstannyń mańyzdy ári iri qalalaryn basyp aldy. Halyqaralyq uıymdar dabyl qaǵyp Aýǵanstanda sońǵy 72 saǵatta ondaǵan bala qaza tapqanyn jarııalady.

Sondaı-aq, QR dıplomatııalyq mıssııasy Kabýlda shekteýli quramda jumysyn jalǵastyrýda.