Eldegi úsh donor óńir bıýdjetke neshe teńge aýdarady

NUR-SULTAN. QazAqparat – Úkimet otyrysynda QR Ulttyq ekonomıka mınıstri Álibek Qýantyrov Nur-Sultan, Almaty qalalary men Atyraý oblysynyń 2023-25 jyldary respýblıka bıýdjetine neshe teńge aýdaratynyn aıtty, dep habarlaıdy QazAqparat tilshisi.

«Aǵymdaǵy jyly 2020 – 2022 jyldarǵa arnalǵan jalpy sıpattaǵy transfertter týraly Zańnyń qoldanylýynyń aıaqtalýyna baılanysty, kelesi úsh jyldyq kezeńge arnalǵan sýbventsııalar men alyp qoıýlardyń kólemin bekitýdi kózdeıtin «Respýblıkalyq jáne oblystyq bıýdjetter, respýblıkalyq mańyzy bar qalalar, astana bıýdjetteri arasyndaǵy 2023 – 2025 jyldarǵa arnalǵan jalpy sıpattaǵy transfertterdiń kólemi týraly» zań jobasy ázirlendi.

Jalpy sıpattaǵy transfertterdiń kólemi óńirlerdiń qarjylyq derbestigin keńeıtý jáne áleýmettik ıgilikter men memlekettik kórsetiletin qyzmetterdiń qoljetimdi bolýyn teńestirý, sondaı-aq ortalyq pen óńirler arasyndaǵy transfertter kólemin birtindep qysqartý jónindegi jańa tásilder eskerilip esepteldi», - dedi vedomstvo basshysy.

Bul jerde bıýdjet donory bolyp esepteletin úsh óńirden aldaǵy 3 jylda 1,5 trln teńge alý josparlanyp otyr.

«Osyny eskere otyryp, úsh donor óńir – Nur-Sultan jáne Almaty qalalary, Atyraý oblysy aıqyndaldy, olar boıynsha bıýdjettik alyp qoıýlar mynadaı kólemde aıqyndaldy: 2023 jyly 487 mlrd teńge, 2024 jyly – 536 mlrd teńge, 2025 jyly – 577 mlrd teńge.

Qalǵan 17 óńir boıynsha bıýdjettik sýbventsııalar kólemi 2023 jyly – 4,9 trln teńge, 2024 jyly – 5,2 trln teńge, 2025 jyly – 5,7 trln teńgeni qurady», - dedi mınıstr.