Eldegi ulysaralyq turaqtylyq Úkimettiń der kezindegi jáne maqsatty túrdegi saıasatynyń arqasynda saqtalyp keledi - A. Chesnokov

ALMATY. 26 qańtar. QazAqparat /Ádilet Musahaev/ - Búgin Almatydaǵy slavıan jáne kazak etnıkalyq birlestikteri ulysaralyq kelisimniń ózekti máselelerine aranalǵan dóńgelek ústel ótkizdi.

Shara barysynda ótken jyldyń sońynda Máskeýde bolǵan jappaı tártipsizdik, Qazaqstandaǵy ulysaralyq jaǵdaı syndy ózekti máseleler talqylandy.

QR-daǵy orys, slavıan jáne kazak qaýymdastyǵy tóraǵasynyń birinshi orynbasary Anatolıı Chesnokovtyń aıtýynsha, ótken jyldyń jeltoqsanynda Máskeýdiń Manej alańyndaǵy jappaı tártipsizdikter - Qazaqstandaǵy ulysaralyq kelisimniń qazirgi saıası úlgisi týraly oılandyrady. «Mundaı oqıǵalar bizdiń Úkimettiń der kezindegi jáne maqsatty túrdegi saıasatynyń arqasynda oryn almaı, eldegi turaqtylyq saqtalyp keledi», - deıdi ol.

Almaty qalasy ákimdiginiń ishki saıasat basqarmasy basshysynyń orynbasary Rashıd Dáýletov ákimdik qaladaǵy túrli ulystardyń kelisim, dostyqta ómir súrip, turaqtylyǵyn nyǵaıta túsý úshin kóptegen jumystar atqarylyp jatqandyǵyn aıtady. «Elbasynyń súbeli saıasatynyń arqasynda Táýelsizdik alǵan ýaqyttan beri eldegi eshbir ulys ózin jat sanaǵan emes. Turaqty elde beıbit ári tynysh ómir súrý - bul úlken baqyt», - deıdi R. Dáýletov.

Atalǵan jıynǵa slavıan jáne kazak etnıkalyq birlestikteri, kúrd, sheshen-ıngýsh jáne taǵy basqa enıkalyq toptardyń basshylary qatysyp, Qazaqstanda turatyn ózge ulttardyń tatý-tátti, dostyq qarym-qatynasta ómir súrýi Elbasynyń kóregendiginiń arqasynda ekendigin basa aıtty. Sonymen qatar óskemendikterdiń Prezıdenttiń ókilettiligin uzartý jónindegi referendým ótkizý týraly bastamalaryn qýana qoldaıtyndyqtaryn bildirdi.