Eldegi mektepter qaýipsizdik boıynsha attestatsııalanady

ASTANA. QazAqparat – Eldegi mektepter qaýipsizdik boıynsha attestattaýdan ótedi, dep habarlaıdy QazAqparat tilshisi.

Bul týraly Oqý-aǵartý mınıstrligi QazAqparat saýalyna joldaǵan jaýabynda aıtty.

«Qaýipsizdik sharalaryn kúsheıtý úshin júrgizilgen monıtorıng qorytyndysy boıynsha myna sharalardy qabyldaý kózdelip otyr: baqylaý-ótkizý rejıminiń jumysyn kúsheıtý; kelisimshart aıasynda kúzetshilerge qoıylatyn naqty talaptardy belgilep alý; bilim berý uıymdaryn qaýipsizdik talaptaryn saqtaý boıynsha attestattaý júıesin damytý», - dep jazylǵan jaýapta.

Mınıstrlik mamandarynyń paıymynsha, mundaı attestattaý júıesi tehnıkalyq sıpattaǵy máselelerden bólek, tótenshe jaǵdaılar kezinde qoldanylatyn praktıkalyq bilimdi qalyptastyrýǵa múmkindik beredi.

Eske salaıyq, 13 aqpanda Petropavldaǵy №4 orta mektepke 9 synyp oqýshysy mektepke men pyshaq ákelip, birneshe oqýshyny jaraqattaǵany málim bolǵan.

Oqý-aǵartý mınıstrligindegiler Petropavl qalasyndaǵy mekteptesterin jaraqattaǵan balanyń nege psıhologııalyq jaǵdaıyna baılanysty úıden oqymaǵanyn túsindirdi.