Eldegi ǵalymdardyń 40 paıyzy Almatyda shoǵyrlanǵan

ASTANA. QazAqparat – QR Ǵylym jáne joǵary bilim mınıstri Saıasat Nurbek Úkimet otyrysynda aldaǵy úsh jylda ǵylymdy damytýǵa 640 mlrd teńgeden astam qarajat bólinetinin aıtty, dep habarlaıdy QazAqparat tilshisi.

«Óńirlerde ǵylymı jobalardy kommertsııalandyrý deńgeıi tómen. Otandyq tehnologııalardy naqty sektorǵa engizýde qandaı kedergiler bar?», - dep surady Premer-Mınıstr Álıhan Smaıylov mınıstrden.

Saıasat Nurbektiń sózine qaraǵanda, munyń tarıhı sebepteri bar.

«Shyn máninde qazirgi tańda óńirlerde kommertsııalandyrý deńgeıi tómen. Bul jerde tarıhı túsindirme bar. Bizde qazir negizgi joǵary oqý oryndary, negizgi ǵylymı zertteý ınstıtýttary Almatyda shoǵyrlanǵan. Stýdentterimizdiń 30 paıyzy, ǵalymdarymyzdyń 40 paıyzy sonda», - dedi mınıstr.

Vedomstvo basyshsy ǵalymdar oılap tapqan tehnologııalardy naqty sektorǵa shyǵarý máselesin úsh baǵytta pysyqtaýǵa bolatynyn aıtty.

«Birinshisi – zańnamalyq baǵyt. Qazirgi tańda «Ǵylym jáne tehnologııalyq saıasat týraly» zań qabyldanyp jatyr. Endi jergilikti atqarýshy bılikke ǵylymdy kommertsııalandyrý, qarjylandyrý quzyreti beriledi. Ár óńirdiń jyldyq ǵylymı zertteý jospary qurylady. ıAǵnı, ákimderge biz osyndaı mindetteme berip otyrmyz», - dedi ol.

Ekinshi baǵyt – óńirlik joǵary oqý oryndarynyń áleýetin damytý.

«Coursera kýrstary, «tsıfrlyq ýnıversıtet» baǵyttary, akademııalyq utqyrlyq jáne akademııalyq basymdyq óńirlik ýnıversıtetterge baǵyttalady. Úshinshi úlken baǵyt – qarjylandyrý. Kelesi 3 jylda ǵylymdy qarjylandyrý 3 ese ósedi. Bıyl 150 mlrd teńge, keler jyldary 240 mlrd teńge, ıaǵnı, úsh jyldyń ishinde biz 640 mlrd teńgeden astam ınvestıtsııa quıamyz. Onyń basym bóligi óńirlik ýnıversıtetterge, óńirlik ǵylymǵa baǵyttalady», - dedi Saıasat Nurbek.