Eldegi energııa kózderiniń 53 paıyzyn jańartý kerek

NUR-SULTAN. QazAqparat – Sońǵy 2 jylda eskirgen energııa kózderiniń 5 paıyzy ǵana jańartylǵan, dep habarlaıdy QazAqparat tilshisi.

Qazaqstanda elektr energııasyn tutyný kólemimen birge eskirgen kózderdiń sany da artyp keledi.

Energetıka vıtse-mınıstri Qaırat Rahımov salada osyndaı problema bar ekenin eske saldy.

«Energııa kózderiniń basym bóligi ótken ǵasyrdyń 60-70-shi jyldary iske qosylǵan. Tıisinshe, generatsııa sektoryndaǵy negizgi shyǵyndar olardy jumys jaǵdaıynda ustaýǵa baǵyttalýda. Eger 2018 jyldyń qorytyndysy boıynsha óndirýshi qýattardyń tozý deńgeıi orta eseppen 58%-dan assa, 2020 jyldyń qorytyndysy boıynsha bul kórsetkish 53%-dy qurady. Tutyný kóleminiń ósý serpinin eskere otyryp, Qazaqstannyń elektr energetıkalyq salasynyń aldynda «paıdalaný modelinen» «ınvestıtsııalyq modelge» aýysý máselesi tur» - dedi vıtse-mınıstr ortalyq kommýnıkatsııalar ortalyǵynda ótken brıfıngide.

Eske salsaq, atalmysh sharada salalyq kásipodaq basshysy bilikti kadrlardyń Reseıge ketip jatqany jaıly málimet aıtqan bolatyn.