Eldegi búkil perzenthanalar kúrdeli jóndeýden ótedi - Ajar Ǵınııat
«Birinshi jartyjyldyqta pandemııa bastalǵannan beri alǵash ret jalpy ólim-jitimniń azaıýyn baıqap otyrmyz. Ótken 6 aıda halyq arasyndaǵy ólim-jitim 10 paıyz tómendedi. Desek te, densaýlyq saqtaý júıesi túgel, tolyq aýqymmen jumys istep jatyr. Tek COVID ınfektsııasymen ǵana kúresip jatqan joq, aýrýlardyń aldyn alý, joǵary mamandanǵan medıtsınalyq kómek damyp keledi. Kólik medıtsınasy, qashyqtan emdeý jolǵa qoıyldy. Elde áleýmettik-ekonomıkalyq ahýal jaqsaryp kele jatqanyn eskersek, densaýlyq kórsetkishteri de jaqsaryp keledi», - dedi vedomstvo basshysy.
Onyń aıtýyna qaraǵanda, keıingi 10 jylda bala óliminiń kórsetkishi qubylyp tur.
«2014-2015 jyldary kúrt ósý tirkeldi. Odan keıingi eki jylda qaıta báseńdep, 2019 jyly qaıta ósim paıda boldy. Bul birinshi kezekte analardyń densaýlyǵyna baılanysty. Sábı ólimi degenimiz – bir jasqa tolmaǵan balalardyń ólimi ekenin eskersek, negizinen kóbi perınataldyq sebepterden kóz jumady. Balalar belgili bir aýrýmen týady degen sóz. Bul baǵytta ne istelip jatyr? Bizdegi perzenthanalardyń, perınataldyq ortalyqtardyń kóbi ótken ǵasyrda salynǵan. Olardyń materıaldyq-tehnıkalyq bazasy baıaǵyda eskirip ketken. Shala týǵan jáne aýrýmen týǵan nárestelerdi bul nysandarda emdep, ustaýǵa tıisti jaǵdaı jasalmaǵan. Nysandar halyqaralyq standarttarǵa saı kelmeıdi. Prezıdenttiń qoldaýymen, tapsyrmasymen Úkimet jańa perınataldyq ortalyqtardyń qurylysyn josparlaıtyn boldy. Sondaı-aq, búkil perzenthanalarda kúrdeli jóndeý júrgiziledi», - dedi Ajar Ǵınııat.
Sondaı-aq, Densaýlyq saqtaý mınıstri koronavırýstyń qazirgi shtamy bastapqy shtamdaryndaı qaýipti emestigi týraly boljamdarǵa pikir bildirdi.
Aıta ketsek, keshe Úkimettiń keńeıtilgen otyrysynda Memleket basshysy Qasym-Jomart Toqaev basty mindettiń biri – ana men balanyń densaýlyǵyn saqtaý ekenin aıtqan bolatyn.
Buǵan deıin Ulttyq statıstıka bıýrosy b ıylǵy bes aıda elimizde 1 384 náreste shetinegenin málim etti .
Foto: ortcom.kz