Eldegi búkil oqý oryndarynyń órtke qarsy qaýipsizdik deńgeıi tekseriledi
«Tótenshe jaǵdaılar mınıstrligi múddeli memlekettik organdarmen birge bıylǵy Orman jáne dala órtteriniń aldyn alý jónindegi vedomstvoaralyq is-sharalar josparyn sapaly júzege asyrýdy qamtamasyz etsin.
Bilim jáne ǵylym mınıstrligimen jáne ákimdiktermen birlesip, eldegi barlyq oqý oryndarynyń órt qaýipsizdigi talaptaryna sáıkestigin teksersin», - dedi ol Úkimet otyrysynda.
Onyń aıtýynsha, oqý oryndarynda sıgnalızatsııanyń, gıdranttar men órt sóndirgishterdiń, órt kezindegi apattyq shyǵýlardyń jumysqa jaramdylyǵy tekserilýi qajet.
«Balalardyń qaýipsizdigi úshin barlyq qajetti sharalar qabyldanýy tıis. Sonymen qatar, halyqqa órt qaýipsizdigi talaptaryn saqtaý, órt shyqqan ǵımaratta, dala jáne orman órti kezinde qalaı áreket etý qajettiligi týraly túsindirý jumystaryn júrgizýdi tapsyramyn», - dedi Premer-Mınıstr.
Aıta keteıik, Úkimet otyrysynan keıin ótken brıfıngide QR Ekologııa, geologııa jáne tabıǵı resýrstar mınıstri Serikqalı Brekeshev Qyrǵyz Resýpblıkasynan keletin sý boıynsha eshqandaı táýekel joq ekenin málim etti.