Eldegi bankterdiń menshikti kapıtaly 4,9 trln teńgege jetti
«Bankterdiń menshikti kapıtaly aǵymdaǵy jylǵy qyrkúıekte 0,7%-ǵa 4,9 trln teńgege deıin ósti. 2022 jylǵy 1 qazandaǵy jaǵdaı boıynsha negizgi kapıtaldyń jetkiliktilik koeffıtsıenti (k1) 17,6%-dy, menshikti kapıtal (k2) – 20,9%-dy qurady. Bul zańnamada belgilengen normatıvterden edáýir asyp túsedi jáne bank sektoryndaǵy yqtımal táýekelderdi jabýdy qamtamasyz etedi», - delingen Qarjy naryǵyn retteý jáne damytý agenttiginiń habarlamasynda.
Resmı derek boıynsha, qyrkúıekte bank sektoryndaǵy klıentter salymy 4,1% artyp, 29,4 trln teńgege deıin ulǵaıǵan.
«Ulttyq valıýtadaǵy depozıtter 2022 jylǵy qyrkúıekte 4,6% nemese 18,8 trln teńgege deıin, shetel valıýtasynda depozıtter - 0,7% nemese 10,4 trln teńgege deıin ósti. ıAǵnı, 2022 jyldyń basynda dollarlaný deńgeıi 36% bolsa, 1 qazandaǵy jaǵdaı boıynsha 35,6%-dy qurady.
Bazalyq mólsherlemeniń artýy aıasynda qorlandyrý quny ulǵaıady. Banktik emes zańdy tulǵalardyń ulttyq valıýtadaǵy merzimdi depozıtteri boıynsha ortasha alynǵan syıaqy mólsherlemesi 2022 jylǵy qyrkúıekte 12,4%, jeke tulǵalardyń depozıtteri boıynsha – 12,2% bolyp otyr»,- dedi agenttik.