Eldegi avtosalondar aı saıyn 7 myń kólikpen tolyǵyp otyrady

NUR-SULTAN. QazAqparat – «Qazaqstan avtobıznesi qaýymdastyǵy» zańdy tulǵalar birlestiginiń vıtse-prezıdenti Anar Maqasheva 4 paıyzdyq avtonesıege ótinim berýshilerdiń keıbir markadaǵy kólikterdiń tapshylyǵy týraly shaǵymy qashan qanaǵattandyrylatynyn aıtty, dep habarlaıdy QazAqparat tilshisi.

«Qazaqstanda aı saıyn 7 myń avtokólik óndiriledi. ıAǵnı qazirgi kezeńde eldegi búkil avtosalondarda 7 myń kólik bar dep aıtýǵa bolady», - degen qaýymdastyq ókili 4 paıyzdyq nesıe alýshylardyń úlken suranysyn týyndatyp otyrǵan Hyundai markaly kólikterdiń óndirisi jyl ortasynan bastap kóbeıetinin málim etti.

«Mysaly, Hyundai ókilderi shilde aıynan bastap aı saıyn 4 myńdaı avtomobıl qoljetimdi bolatynyn aıtyp otyr. 4 paıyzdyq avtonesıe boıynsha alsaq, bir nesıe alýshyǵa beriletin jalpy lımıt 10 mln teńge dep kózdelgen. «Ónerkásipti damytý qory» jeńildetilgen avtonesıege bólgen aqshanyń jalpy somasy – 100 mlrd teńge. Sonda kem degende 10 myń adam osy shart boıynsha nesıe alady degen sóz. Eger Hyundai aı saıyn 4 myń kólik jetkize alatynyn aıtyp otyrsa, aldyn ala brondaý jasaǵan tutynýshylardyń bári aldaǵy 1-1,5 aıda óz kólikterin alady degen sóz. Eń bastysy baıbalamǵa boı aldyrmaý kerek», - dedi Anar Maqasheva brıfıngiden keıin BAQ ókilderiniń suraǵyna bergen jaýabynda.

Aıta keteıik, búgin Qazaqstanda 4 paıyzdyq jeńildetilgen avtonesıe berý bastaldy.