Eldegi áýe tasymaly bir jylda 17 paıyzǵa qymbattady
Bul týraly Finprom.kz jazdy.
«Shyǵys Qazaqstan oblysynda baǵalar bir jylda birden 45,7% ósti. Odan keıingi qymbat baǵa Mańǵystaý (43,2%) jáne Túrkistan (34,8%) oblystarynda tirkeldi. Aqmola jáne Soltústik Qazaqstan oblystarynda baǵalar ózgergen joq. Al Pavlodar jáne Jambyl oblystarynda kerisinshe 14,2% jáne 22,2% tómendedi. Qańtar aıynda avıakompanııalardyń kiristeri 20,9 mlrd teńgeni boldy. ıAǵnı jyldyq tabys 6,6% artqan. Kiristerdiń basym bóligi ádettegideı túrde jolaýshylar tasymalyna tıesili – 20,4 mlrd teńge. Júk tasymaldaýdan túsken tabys 534,8 mln teńge bolsa, áýe kóligin jalǵa berýden túsken tabys - 215 mln teńge boldy. Bul byltyrǵy kórsetkishten 40,8% tómen», - dep jazylǵan taldaýda.
Finprom.kz-tiń jazýynsha, 2022 jyldyń qańtar aıynda Qazaqstannyń áýe kompanııalary 527 myń adam tasymaldaǵan. Bul bir jyl burynǵyǵa qaraǵanda 11% az. Degenmen jolaýshylar aınalymy bir jylda 0,6% ósken.
«Áýe kóligimen júk tasymaldaý salasynda aıtarlyqtaı tómendeý baıqaldy. Qańtar aıynda júk pen bagaj tasymaldaý kólemi bir jyl burynǵy kezeńge qaraǵanda 53,2 nemese 1,2 myń tonnaǵa deıin qysqardy», -delingen saraptamada.