Eldegi 85 ǵylymı uıymnyń 1200-ge jýyq ǵalymyna turaqty jalaqy taǵaıyndalmaq
«Jas ǵalymdardyń zertteýlerine 1000 grant bólý, 500 ǵalymdy jetekshi sheteldik ǵylymı ortalyqtarda taǵylymdamaǵa jiberý uıymdastyrylady. Alǵash ret 2022 jyly joǵary oqý oryndary men ǵylymı zertteý ınstıtýttarynda postdoktorantýra engiziledi.
Eger buryn ǵalymdar jalaqyny tek konkýrstar arqyly ǵana alatyn bolsa, endi jetekshi ǵalymdar turaqty jalaqy alatyn bolady. Bul – 85 ǵylymı uıymnyń 1200-ge jýyq jetekshi ǵalymdarynyń jaǵdaıyn jaqsartady», - dedi Ashat Aımaǵambetov.
Bul jerde áńgime fýndamentaldy zertteýlermen aınalysatyn tarıh jáne etnologııa ınstıtýty, til bilimi ınstıtýty, matematıka ınstıtýty, ıadrolyq fızıka ınstıtýty, ádebıet jáne óner ınstıtýty, fılosofııa ınstıtýty ǵalymdary týraly aıtylyp otyr.
«Memlekettiń qoldaýynyń arqasynda ǵylymdy qarjylandyrý jyl saıyn artyp keledi. Ǵylymı jobalardy qarjylandyrýǵa arnalǵan konkýrstar 3 jylda bir ret emes, endi jyl saıyn ótkiziledi.
Ǵylymdy basqarýda memlekettik ǵylymı ınstıtýttardyń aýdıti, ǵylymı zertteý ınstıtýttarynyń basshylyq quramyn qaraý, bıznes pen qoǵamdy tartyp, baıqaý keńesterin qurý jáne basqa da sharalar júrgiziletin bolady», - dedi mınıstr.