Eldegi 6 295 aýyldyń 4 900-i aýyz sýmen qamtylǵan
«89 qalalyq eldi mekenniń 64-ti 100% ortalyqtandyrylǵan sýmen qamtamasyz etilgen. Qalǵan 25 qala 2025 jyldyń sońyna deıin kezeńdik jospar sheńberinde qamtamasyz etiledi. Búgingi tańda 6 295 aýyldyń 4 900-i aýyz sýmen qamtamasyz etilgen. 1 395 aýyldyń aýyz sý máselesin 2025 jyldyń sońyna deıin sheshý josparlanyp otyr», - dedi vedomstvo basshysy.
Onyń aıtýynsha, osy atalǵan 1 395 aýyldyń 69%-y, ıaǵnı 963-i turǵyny az eldi mekenderge jatady.
«Olarǵa bıýdjet qarajatyn tıimdi paıdalaný úshin jergilikti bıýdjet qarajaty esebinen keshendi blok modýlder ornatylady. Bizdiń mınıstrlik arqyly 391 aýylda ortalyqtandyrylǵan sýmen jabdyqtaý qurylysy qamtamasyz etiledi. Ekologııa jáne tabıǵı resýrstar mınıstrligi arqyly 41 aýylda kentishilik jeliler toptyq sý qubyrlary qurylysy jónindegi jobalardy iske asyrý sheńberinde salynady», - dedi Marat Qarabaev.