Eldegi 527 gıdrotehnıkalyq nysandy jóndeý qajet – Ekologııa mınıstri

NUR-SULTAN. QazAqparat – Qazaqstan aýmaǵyndaǵy 1823 gıdrotehnıkalyq nysannyń 527-si jóndeýdi qajet etedi. QR Ekologııa, geologııa jáne tabıǵı resýrstar mınıstri Serikqalı Brekeshev Úkimet oyrysynda osyndaı derek keltirdi, dep habarlaıdy QazAqparat tilshisi.

«Respýblıka aýmaǵynda 1823 gıdrotehnıkalyq tirek qurylysy bar. Osy jyldyń qańtaryndaǵy jaǵdaı boıynsha 1646 gıdrotehnıkalyq qurylys tekserildi. Olardyń ishinen 527 nysan jóndeýdi qajet etetini anyqtaldy. Onyń 396 kommýnaldyq menshikte.

Jóndeýdi qajet etetin gıdrotehnıkalyq qurylystardyń eń kóbi Qaraǵandy oblysynda ornalasqan.

Gıdrotehnıkalyq qurylystardyń barlyq menshik ıelerine tasqyn sýlardy qaýipsiz ótkizý jáne qajetti ınertti materıaldar men tehnıkany daıyndaý úshin tıisti is-sharalardy júrgizý týraly usynymdar jiberildi», - dedi vedomstvo basshysy.

Onyń sózine qaraǵanda, sý basý qaýpin joıý úshin mınıstrlik apattyq jaǵdaıdaǵy 41 sý qoımasy men gıdrotehnıkalyq nysandy qaıta kúrdeli jóndeýge bergen.

«Sońǵy 5 jylda 16 nysan qalpyna keltirildi. Nátıjesinde 120 myńnan astam halqy bar 16 aýyldyq eldi mekenderde sý basý qaýpi joıyldy», -dedi Serikqalı Brekeshev.