Eldegi 36 shaǵyn qalanyń káriz júıesi bıýdjet esebinen jańartylady

ASTANA. QazAqparat – 2024-2028 jyldar aralyǵynda 68 qalada káriz-tazartý qurylystaryn salynyp, rekonstrýktsııalanady. Bul jaıynda QR Indýstrııa jáne ınfraqurylymdyq damý mınıstri Qaıyrbek Óskenbaev Úkimet otyrysynda aıtty, dep habarlaıdy QazAqparat tilshisi.

«2024 - 2028 jyldar aralyǵynda 68 qalada káriz-tazartý qurylystaryn salý jáne rekonstrýktsııalaý josparlanyp otyr.

26 qalada jobalar memlekettik kepildikpen mıkroqarjy uıymdarynyń qaryzdaryn tartý esebinen iske asyrylatyn bolady.

36 shaǵyn qalada jobalardy iske asyrý respýblıkalyq bıýdjetten beriletin transfertter esebinen josparlanyp otyr», - dedi ol.

Onyń aıtýynsha, kelesi jyly 6 shaǵyn qalada káriz-tazartý qurylysy josparlanǵan. Qazir sol jobalardyń smetalyq qujattary ázirlenip jatyr.

Agroóndiris kesheniniń ishki qajettiligin 100% qamtamasyz etý maqsatynda 2028 jylǵa deıin ammıak, selıtra, karbamıd, ammofos sııaqty qajetti mıneraldy tyńaıtqyshtardy óndirý baǵyttalǵan 7 joba iske asyrylady», - dedi Qaıyrbek Óskenbaev.

Foto: 3blaws.s3.amazonaws.com