Eldegi 3 ýran kásipornynyń basym úlesi Reseıdiń memlekettik kompanııasyna beriledi

ASTANA. QazAqparat – El Úkimeti Qazaqstandaǵy 3 ýran kásipornynyń basym úlesin Reseıdiń «Ýranıı Ýan Grýp» memlekettik kompanııasyna berýge ruqsat etti, dep habarlaıdy QazAqparat tilshisi.

«Uranium One Netherlands B.V. kompanııasyna «Qarataý» jaýapkershiligi shekteýli seriktestiktigindegi qatysý úlesiniń 50%-yn «ÝranıýmÝanGrýp» aktsıonerlik qoǵamynyń paıdasyna ıelikten shyǵarýǵa ruqsat berilsin. Uranium One Utrecht B.V. kompanııasyna «Horasan-U (Horasan-Ý)» birlesken kásiporny jaýapkershiligi shekteýli seriktestiktigindegi qatysý úlesiniń 30%-yn «Ýranıým Ýan Grýp» aktsıonerlik qoǵamynyń paıdasyna ıelikten shyǵarýǵa ruqsat berilsin. Uranium One Rotterdam B.V. kompanııasyna «Ońtústik taý-ken-hımııa kompanııasy» birlesken kásiporny jaýapkershiligi shekteýli seriktestiktigindegi qatysý úlesiniń 70%-yn «Ýranıým Ýan Grýp» aktsıonerlik qoǵamynyń paıdasyna ıelikten shyǵarýǵa ruqsat berilsin», - delingen Úkimet qaýlysynda.

Qosa ketsek, buǵan deıin «Qaztehnologııa» aktsıonerlik qoǵamy Qaraǵandydaǵy «Steel Manufacturing» patron zaýytyn respýblıkalyq menshikke ótkizgenin jazyp edik.