Eldegi 17 ózen men 4 qoımanyń sýy paıdalanýǵa múlde jaramsyz

ASTANA. QazAqparat – Ekologııa jáne tabıǵı resýrstar mınıstrligi eldegi paıdalanýǵa múlde jaramsyz sý kózderiniń tizimin jarııalady, dep habarlaıdy QazAqparat tilshisi.

Mınıstrlik málimetine súıensek, elimizde jer betindegi sý kózderiniń sapasyn baqylaıtyn 371 gıdrohımııalyq tustama bar. Olar 87 ózen men 29 kólde, 13 sý qoımasy men 3 arnada jáne 1 teńizde ornalasqan. 2023 jyldyń ekinshi toqsanynda osy tustamalardan alynǵan synamalar 9 sý obektisindegi sýdyń sapasy ishýge tolyq jaramdy ekenin kórsetken. Olar: Ertis (Pavlodar obl.), Ýsolka, Aqsý (Túrkistan obl.), Arys, Badam, Derkól, Arasan ózenderi, Buqtyrma, Óskemen sý qoımalary.

Al, tek sharýashylyq sýmen jabdyqtaýǵa jaramdy kózderdiń sany – 14. Olar: Elek (BQO), Jaıyq (BQO), Buqtyrma, Tıhaıa, Glýbochanka, Esentaı, Úrjar, Breksa, Úlken Almaty, Shilik, Esik, Qarqara, Túrgen ózenderi jáne Shortandy sý qoımasy.

Sondaı-aq, sýy ónerkásiptiń keıbir túrlerine ǵana jaramdy kózderdiń sany – 6. Olar: Qara Ertis, Oba, Mahovka, Syrdarııa (Túrkistan obl.), zattar), Esil (SQO), Toǵyzaq ózenderi.

Sý paıdalanýdyń eshbir túrlerine jaramsyz 21 kóz anyqtalyp otyr. Bul qatardy mamandar 5-synyptan joǵary deńgeıde lastanǵan kózder retinde sıpattaıdy. Olar: Shyńǵyrlaý (hlorıdter), Qıǵash (qalqyma zattar), Aıagóz, Kishi Qaraqoja, Qattybógen, Sarybulaq, Nura, Aqsý (Aqmola obl.), Qylshyqty, Soqyr, Qara Keńgir, Sherýbaınura, Obaǵan, Tobyl, Aqbulaq ózenderi men Shardara, Joǵarǵy Tobyl, Amankeldi, Keńgir sý qoımalary.