Eldegi 16 iri ónerkásip emıssııalar kólemin 20-30% tómendetýge mindetteldi

NUR-SULTAN. QazAqparat – «Jasyl Qazaqstan» ulttyq jobasy aıasynda 16 iri ónerkásip nysany emıssııalardy 20-dan 30%-ǵa deıin tómendetý boıynsha mindettemeler qabyldady, dep habarlaıdy QazAqparat tilshisi.

Bul jaıynda QR Premer-Mınıstriniń orynbasary Eraly Toǵjanov Májilis depýtattarynyń aldynda málim etti.

«Álemdegi geosaıası jaǵdaı eskere otyryp «Importty almastyrý» baǵdarlamasy ázirlendi. Tizimge, 88 myń jańa jumys ornyn qurý múmkindigi bar, 444 ımportty almastyrý jobasy engizildi.

Aýylsharýashylyǵy óndirisi tıimdiligin arttyrý maqsatynda 5 jyl ishinde 4,5 trln teńgege 934 ınvestıtsııalyq jobany iske asyrý josparlanyp otyr», - dedi Eraly Toǵjanov.

Premer-Mınıstrdiń orynbasary búginde halyq ekologııa máselesine sergek qaraıtynyn atap ótti.

«Bul baǵytta ekoaktıvıstermen birlesip 485 is-sharany qamtıtyn 17 jol kartasy iske asyrylýda.

Onyń ishinde «Jasyl Qazaqstan» ulttyq jobasy aıasynda 16 iri ónerkásiptik obekt emıssııalardy 20-dan 30%-ǵa deıin tómendetý boıynsha mindettemeler qabyldady.

Sonymen qatar búginde 204 qala men aýdannyń 134-inde qaldyqtardy bólek jınaý, al 96 eldi mekende suryptaý engizildi.

Jalpy qaldyqtardy qaıta óńdeý úlesi 21%-ǵa jetti.Aldaǵy ýaqytta olardy kádege jaratý úlesin 34%-ǵa deıin, al ónerkásiptik qaldyqtardy kádege jaratý úlesin 46%-ǵa deıin arttyrý mindeti tur», - dedi Úkimet basshysynyńorynbasary.

Sondaı-aq, Eraly Toǵajnov Májilisdepýtattaryna ınflııatsııany tejeý baǵytyndaǵy sharalar týraly málimet berdi.

Onyń málimeti boıynsha, bıyl zeınetaqy men járdemaqyny ındeksteýge qosymsha 111 mlrd teńge bólinedi.