Eldegi 1,4 mln ga sýarmaly alqaptyń 286 myń gektarynda ǵana zamanaýı tehnologııa qoldanylady

NUR-SULTAN. QazAqparat – 1,4 mln gekter sýarmaly alqaptyń 286 myń gektarynda ǵana zamanaýı tehnologııa paıdalanylady. QR Aýyl sharýashylyǵy vıtse-mınıstri Baǵlan Bekbaýov Májiliste ótip jatqan Parlamenttik tyńdaýda osyndaı málimet berdi, dep habarlaıdy QazAqparat tilshisi.

«Ákimdikterdiń dereginshe, bıyl sýarmaly egis alańy 1 mln 462 myń gektar bolǵan. Onyń ishinde 1 mln 107 myń gektary jer betimen sýarylady. Іshinde 87 myń gektarǵa jýyq kúrish alqaptary bar. Jalpy alańnyń tek 286 myń gektarynda ǵana zamanaýı tehologııa boıynsha tamshylatyp nemese jańbyrlatyp sýarý tásili qoldanylady», - dedi mınıstrdiń orynbasary.

Onyń sózine qaraǵanda, bul problemany sheshý úshin áýeli sýarmaly jer ıeleri sý únemdeýdiń mańyzyn túsinýi qajet.

«Boljanyp otyrǵan sý tapshylyǵyna baılanysty Aýyl sharýashylyǵy mınıstrligi Ekologııa mınıstrligimen jáne jergilikti ákimdiktermen birge sý resýrstaryn tıimdi, únemdi paıdalaný boıynsha aqparattyq túsindirý jumystaryn júrgizip jatyr», - dedi vıtse-mınıstr.