Eldegi sırek metaldar týraly málimetter qupııa derekter tiziminen shyǵarylady

<p>Ónerkásip jáne qurylys mınıstrligi eldegi sırek metaldar týraly málimetterdi qupııa derekter tiziminen shyǵarýdy usynyp otyr. Vedomstvo mamandarynyń paıymynsha, bul shara elge keletin ınvestıtsııany molaıtyp, tyń óndiristerdi ashýǵa múmkindik beredi, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform.</a></p>

Atalǵan usynys mınıstrlik ázirlegen «Sırek jáne jerde sırek kezdesetin metaldar salasyn damytýdyń 2024-2028 jyldarǵa arnalǵan keshendi jospary» jobasynda kórinis tapqan.

«Keıbir sırek metaldar men barlyq sırek jer metalynyń balanstyq qory týraly málimetterdi memlekettik qupııalarǵa jatqyzý salaǵa ınvestıtsııa tartý protsesine teris áser etedi. Bul aqparat áleýetti ınvestorlar úshin qoljetimdi bolýy qajet. 2021 jylǵy tájirıbe kórsetkendeı, birqatar sırek metaldyń balanstyq qoryn, sonyń ishinde lıtııdi qupııasyzdandyrý osy salaǵa ınvestıtsııa tartýǵa múmkindik berdi. Nátıjesinde jer qoınaýyn paıdalanýshy qazaqstandyq eki kásiporyn nemis kompanııasymen lıtıı ken oryndarynda geologııalyq barlaý jumystaryn júrgizýge sharttar jasasty», - dep jazylǵan Ashyq NQA saıtynda jarııalanǵan keshendi jospar jobasynda.

Osylaısha mınıstrlik ókilderi sırek metaldyń jekelegen túrlerinen qupııalylyq rejımin alyp tastaýdy usynyp otyr.

Jospar jobasynda bul shara 2024-2025 jyldary Ádilet mınıstrligi men Ulttyq qaýipsizdik qyzmetiniń maquldaýy negizinde sheshimin tabýy kerektigi aıtylǵan.

Qazaqstannyń jer qoınaýynda volfram, molıbden, berıllıı, tsırkonıı, gafnıı, nıobıı, tantal, vısmýt, lıtıı, tsezıı jáne renıı sııaqty sırek metaldardyń qory, sondaı-aq «sırek jer metaly» deıtin sanatqa jatatyn ıttrıı, lantan, tserıı, prazeodım, neodım, samarıı, eýropıı, gadolınıı qory kezdesedi.

Olardyń ishinde ınvestorlar úshin eń tartymdysy mynalar:

- vanadıı qory (Qurymsaq, Bala-Saýysqandyq);

- tıtan jáne tsırkonıı (Qaraótkel, Obýhovskaıa, Shoqash, Shpakovka, Qumkól, Sabyndykól, Prognoznoe, Gorkovskoe, Berezovskoe, Zaıachıa, Drýjba, Aqespe);

- tantal men nıobıı ( Joǵarǵy Yrǵyz, Kvartsevoe, Joǵarǵy-Baımýrzın, Qalaı-Tapqan);

- lıtıı boıynsha (ıÝbıleınoe, Joǵarǵy-Baımýrzın, Baken, Belogorsk, Ahmetkıno, Medvedka);

- molıbden jáne volfram (Kóktenkól, Drojıllovskoe, Joǵarǵy Qaıraqty, Smırnovskoe, Ońtústik Jaýyr, Janet, Batystaý, Aqshata, Qaraoba, Baınazar);

- berıllıı (Nurataldy, Darat).