Eldegi saqtandyrý kompanııalary 10 aıda 177,1 mlrd teńge tapqan

<p>ASTANA. KAZINFORM &ndash; Qarjy naryǵyn retteý jáne damytý agenttigi eldegi saqtandyrý kompanııalarynyń taza tabysyn jarııalady.</p>

Saqtandyrý salasynyń jaı-kúıi týraly sholýda 1 qarashaǵa deıingi kórsetkishter berilgen.

Qujatqa súıensek, 2024 jyldyń 10 aıynda azamattarǵa tólengen saqtandyrý tólemderiniń jalpy kólemi 266 mlrd 714 mln teńge bolǵan. Bul byltyrǵy 10 aımen salystyrǵanda 24,1% artyq.

Onyń ishinde mindetti saqtandyrý sharty boıynsha 104 mlrd 357 mln teńge tólense, erikti saqtandyrý sharty boıynsha 162 mlrd 357 mln teńge tólengen.

- 10 aıdaǵy saqtandyrý sektorynyń taza paıdasy 177 mlrd 150 mln teńge boldy. Ol ótken jyldyń osyǵan uqsas kezeńimen salystyrǵanda 9,8%-ǵa kem, - dep jazylǵan sholýda.

Jalpy byltyrǵy qarasha aıynan beri eldegi saqtandyrý uıymdarynyń sany 26-dan 24-ke kemigen. Saqtandyrý sektorynda shoǵyrlanǵan aktıvterdiń eldiń jalpy ishki ónimindegi úlesi – 2,24%.