Eldegi eń iri úsh latıfýndıst qaı oblystardan jer alǵan

<p>ASTANA. KAZINFORM &ndash; Aýyl sharýashylyǵy mınıstrligi Kazinform saýalyna joldaǵan jaýapta eldegi eń iri jer ıelenýshilerdiń qaı oblystarda tirkelgenin málim etti.</p>

- Soltústik Qazaqstan oblysyndaǵy zańdy tulǵa 25,3 myń gektar egistik jerge ıelik etedi. Qostanaı oblysyndaǵy zańdy tulǵanyń menshiginde jalpy aýdany 177,8 myń gektar (egistik – 116,4 myń ga, jaıylym –57,4 myń ga) bolatyn sharýashylyq jer ýchaskeleri bar. Soltústik Qazaqstan oblysyndaǵy zańdy tulǵa 39,7 myń gektar egistik jerge ıelik etedi, - dep jazylǵan jaýapta.

Aıta ketý kerek, qoldanystaǵy zańnamada jeke tulǵalar 35 myń gektardan, zańdy tulǵalar 51 myń gektardan artyq jer rásimdeı almaıtyn norma bar. Biraq atalǵan tulǵalar bul zań normasy qabyldanǵanǵa deıin jer ıelenip qoıǵandyqtan, shekteýdiń olarǵa kúshi júrmeıdi.

Al qazir elimizde 1 299 jeke tulǵa 35 myń gektardan astam jerge, al 612 zańdy tulǵa 51 myń gektardan astam jerge ıelik etedi. Osy jer ıelenýshilerine tıesili jerlerdi paıdalaný tıimdiligin anyqtaý úshin tolyq túgendeý júrgizilgen.