Eldegi 89 qalanyń 65-i sýmen tolyq qamtylǵan – Qurylys mınıstri
10:47, 11 Maýsym 2024
<p>ASTANA. KAZINFORM – Ónerkásip jáne qurylys mınıstri Qanat Sharlapaev Úkimet otyrysynda 2025 jylǵa deıin eldegi 24 qalany sýmen qamtý tolyqtaı aıaqtalatynyn aıtty. </p>
«Qala halqyn sýmen qamtamasyz etýge toqtalsaq, respýblıkadaǵy 89 qalanyń 65 tolyqtaı sýmen qamtylǵan. Jyl sońyna deıin Shymkent, Derjavınsk, Shemonaıha, Ekibastuz jáne Shardara qalalary tolyqtaı sýmen qamtamasyz etiledi. 2025 jyly 19 qalanyń turǵyndaryn 100% qamtamasyz etý josparlanyp otyr», - dedi mınıstr.
Sondaı-aq, ol bıyl halyqty sýmen qamtý jobalary aıasynda asyrýǵa 218 mlrd teńge jumsalatynyn aıtty.
«Onyń 106 mlrd teńgesi qalalarǵa jáne 112 mlrd teńgesi aýyldarǵa baǵyttalady. Bul jobalardy iske asyrý esebinen 2024 jyldyń aıaǵyna deıin qala turǵyndarynyń 99,5% jáne aýyl turǵyndarynyń 97,8% aýyz sýmen qamtamasyz etý josparlanýda», - dedi Qanat Sharlapaev.