Elde qaımaq qansha turady

ASTANA. QazAqparat – Shilde aıynda Qazaqstan óńirlerinde qaımaqtyń ortasha baǵasy kelisine 1912 teńgeni qurady. Bul týraly Ulttyq statıstıka bıýrosynan málim etti, dep habarlaıdy QazAqparat.

Ótken jyldyń shildesimen salystyrǵanda qaımaq 22,4% qymbattaǵan.
Búginde atalǵan sút ónimi Almaty qalasynyń turǵyndaryna qymbatqa túsip otyr. Onda ortasha baǵa 2350 teńge mólsherinde.

Qaımaqtyń qymbattyǵy boıynsha ekinshi orynda Atyraý tur – 2079 teńge. Odan ári Óskemen (2068 teńge), Aqtóbe men Qyzylorda qalalary (2058 teńge) ornalasqan.

Eń arzan qaımaq Kókshetaý qalasynda – 1270 teńge.

«2023 jyldyń qańtar-shilde aılarynda Qazaqstanda 21 myń tonna qaımaq óndirildi. Bul ótken jyldyń sáıkes kezeńimen salystyrǵanda 1,3 myń tonnaǵa kóp», - delingen statıstıka málimetinde.