«Elde eki jyl eńbek etip, «Bolashaqqa» barady» - baspasózge sholý
***
«Egemen Qazaqstan» gazetinde Energetıka vıtse-mınıstri Baqytjan Jaqsalıevtiń «Qazaqstannyń atom energetıkasy: Qazba ýrannan AES-ke deıingi tolyq tsıkl» atty kólemdi maqalasy berilgen. «Qazirgi ýaqytta álemde jıyntyq qýaty 378 GVt-qa (el.) jýyq 437 atom reaktory jumys isteıdi. Sonymen qatar, negizinen Azııa óńirinde - Qytaı, Úndistan, Ońtústik Koreıa, Túrkııa, BAÁ jáne t.b. elderde 67 blok salynýda. Atom energııasy jónindegi halyqaralyq agenttiktiń (MAGATE) boljamy boıynsha, bolashaqta 2030 jylǵa qaraı álemde atom qýatynyń kólemi 2 ese artpaq jáne 700 GVt-dan asyp túspek. Atom stansalaryn kezeń-kezeńmen jabýdy júzege asyryp, olardy almastyrýdy izdestirip jatqan elderdiń ózinde ıadrolyq energetıka ulttyq energetıkalyq strategııanyń quramdas bóligi bolyp qala beredi. Atom energııasy kómirqyshqyl gazynyń shyǵaryndylaryn azaıtý jónindegi iri aýqymdy sharalardy iske asyrý boıynsha azdaǵan múmkindikterdiń birin beredi. Búgingi tańda Qazaqstandaǵy elektr energııasy óndirisiniń basym bóligi organıkalyq otyn jaǵatyn elektr stansalarynda shoǵyrlandyrylǵan, bul - belgilengen qýattyń 87%-ǵa jýyǵy. Bul rette Qazaqstanda elektr energetıkasynyń qazirgi negizin kómirmen jumys isteıtin JES quraıdy, olar 74 %-ǵa jýyq elektr energııasyn óndiredi»,-delingen maqalada.
***
«Aıqyn» gazetiniń jazýynsha, Qazaqstandaǵy eń iri áýetasymaldaýshy kompanııa - «Eır Astana» aktsıonerlik qoǵamy «EKSPO-2017» halyqaralyq kórmesiniń resmı seriktesi atandy. Bul týraly «Astana EKSPO-2017» ulttyq kompanııasy men «Eır Astana» AQ arasyndaǵy yntymaqtastyq týraly memorandýmǵa qol qoıý barysynda aıtyldy. Osy qujatqa sáıkes «Eır Astana» «EKSPO-2017 kórmesiniń resmı avıatasymaldaýshysy mártebesine ıe bolyp otyr. Mańyzdy qujatqa qol qoıý rásiminde sóz alǵan «Astana EKSPO-2017» UK basqarma tóraǵasy Ahmetjan Esimov «Eır Astana» kompanııasymen seriktestik óz nátıjesin beretindigine senim bildirdi. «Eır Astana» - Qazaqstandaǵy eń iri áýetasymaldaýshy kompanııa jáne búgin qol qoıylǵan memorandým bizdiń yntymaqtastyǵymyz aıasynda jasalǵan alǵashqy qadamǵa aınaldy. Kompanııanyń áýe joldary kómegimen osyndaı iri ulttyq jobany búkil álemde ilgeriletýge múmkindik paıda bolyp otyr. Bizdiń «Eır Astana» ushaqtarynda EKSPO-2017 logotıpi ornalastyrylatyn bolady. Sonymen qatar kompanııa basshylyǵymen kórmeni ilgeriletýge arnalǵan birlesken is-jospar ázirleımiz, bul jalpy EKSPO-2017 kórmesiniń halyqaralyq alańdaǵy ımıdjine jemisti yqpal eteri anyq» dedi Ahmetjan Esimov. Osy jaıynda «Eır Astana» Ekspo - 2017 kórmesiniń resmı seriktesi atandy» degen maqalada tolyq berilgen.
Osy basylymda «Elde eki jyl eńbek etip, «Bolashaqqa» barady» atty maqala kópshilik nazaryna usynylyp otyr. «Keler jyldan bastap, «Bolashaq» baǵdarlamasyna qatysatyn úmitkerlerdiń barlyq sanaty úshin qajetti jumys ótili arttyrylatyn bolady. Birqatar sanattarǵa búginde 1 jyl jumys ótili talap etiledi. Al kelesi jyldan bastap, «Bolashaq» baǵdarlamasyna túsý úshin qajetti jumys ótili 2 jyldy quraıtyn bolady». Bul týraly Prezıdent janyndaǵy Ortalyq kommýnıkatsııalar qyzmetinde ótken brıfıngte «Halyqaralyq baǵdarlamalar ortalyǵy» AQ prezıdenti Ǵanı Nyǵmetov málimdedi. Ǵanı Nyǵmetovtiń sózine qaraǵanda, ótken jyldan beri «Bolashaq» stıpendııasyna úmitkerlermen suhbattasý úshin táýelsiz eksperttik komıssııa jasalǵan. Onyń quramyna barlyq ortalyq memlekettik organdardyń, akademııalyq ortalyq jáne «Atameken» Ulttyq kásipkerler palatasynyń ókilderi kirgen. Aǵymdaǵy jyly komıssııa quramy «Báıterek» holdıngi ókilderimen tolyqtyryldy. Aldaǵy ýaqytta komıssııa quramyna bıznes-qurylym men qoǵam ókilderi kiretin bolady. «Halyqaralyq baǵdarlamalar ortalyǵy» AQ prezıdenti Ǵanı Nyǵmetov sonymen qatar «Bolashaq» baǵdarlamasyna qatysýshylarǵa aǵylshyn tilin bilý talaby kúsheıtiletinin aıtty.
***
«Ekspress-K» gazetiniń búgingi sanynda « Spasıbo za zakýpký » atty materıal jarııalandy. Qaraǵandyda ınternet-alaıaqtardyń toby quryqtaldy. Olar Almatynyń jáne Qaraǵandy, Qyzylorda, Batys Qazaqstan oblystarynyń mádenıet mekemeleri men aýdandyq ákimdikterin, mektepterin 29 mln. teńgege aldap ketken. Alaıaqtar salyq organdarynda jeke kásipker jáne sharýashylyq sýbekti retinde tirkelip otyrǵan. Olar barsha Qazaqstan boıynsha memlekettik satyp alýlarǵa qatysqan eken. Osy oraıda taýarlar men qyzmetterge eń tómengi baǵalardy usynyp kelgen. Al 30 paıyzdyq aldyn ala tólemdi alǵannan keıin, dereý baılanystyryn úzip otyrǵan kórinedi. Bul qylmystyq áreketti olar eki jyl boıy paıdalanǵan. Osy oraıda iri kólemde bıýdjettik qarjyny jymqyrýdyń 43 faktisi anyqtaldy.