Elde azyq-túlik taýarlaryna tapshylyq bolmaıdy – QR AShM

NUR-SULTAN. QazAqparat – Aýyl sharýashylyǵy mınıstrligi azyq-túlik taýarlarynyń tapshylyǵy bolmaıtynyn, tıisinshe, baǵa óspeıtinin aıtty, dep habarlaıdy QazAqparat tilshisi.

QR Aýyl sharýashylyǵy mınıstrligi Agrarlyq azyq-túlik jáne aýyl sharýashylyǵy ónimin óńdeý departamenti dırektory mindetin atqarýshy Sáýle Jurynova ishki naryqta azyq-túlik tapshylyǵy joqtyǵyn jáne halyqtyń qajettiligin jabý úshin qajetti qor bar ekenin aıtty.

«Et ónimderi boıynsha ózimizdi tolyq qamtamasyz etemiz. Biz ımportqa táýeldi jalǵyz ónim – qus eti. Qazirgi ýaqytta birinshi kezekte azyq-túlik qaýipsizdigin qamtamasyz etý úshin iri qara mal men usaq maldy shyǵarýǵa tyıym salyndy. Bul rette aýyl sharýashylyǵy taýaryn óndirýshilerdiń kóptegen máseleleri men ótinishin eskerip, osy máseleni kvotalaý qarastyrylýda. Tapshylyqtyń bolmaýyna baılanysty baǵanyń ósýi de kútilmeıdi», - dedi S. Jurynova.

Ulttyq statıstıka bıýrosynyń málimetinshe, 31 tamyzdaǵy jaǵdaı boıynsha áleýmettik mańyzy bar 19 azyq-túlik bir jylda 19% qymbattady. Bul 2021 jyldyń sáıkes kezeńinen 2,1 paıyzǵa joǵary. Ótken aptada áleýmettik mańyzy bar azyq-túlik taýarlary 0,1%, aı basynan beri 0,7%, jyl basynan 19% qymbattaǵan.