Elbasynyń jáne osynaý vırýspen kúresip jatqan barsha jannyń saýyǵyp ketýin tileımin - Kental
«Aýrý seniń áleýmettik mártebeńe, qoǵamdaǵy ornyń men tanymaldyǵyńa qaramaıdy. Osynaý zulym vırýs aldynda barlyǵymyz da birdeımiz. Elbasynyń jáne osynaý vırýspen kúresip jatqan barlyq adamnyń tezirek saýyǵyp ketýin tileımin. Alla shıpasyn bersin. Tez jazylyp ketińizder, Aman bol, halqym!», - dep jazdy ánshi Instagram paraqshasynda .
Aıta keteıik, Elbasynyń baspasóz hatshysy Aıdos Úkibaı Qazaqstannyń Tuńǵysh Prezıdenti – Elbasy Nursultan Nazarbaevtyń Covid-19-ǵa tapsyrǵan synamasy oń nátıje kórsetkenin habarlaǵan edi. Soǵan qaramastan Nursultan Ábishuly ózin-ózi oqshaýlap, qashyqtan jumys isteýdi jalǵastyrýda.
Osy ýaqytqa deıin elimizdiń barlyq óńirlerinen jurtshylyq Elbasynyń saýlyǵyn tilep, izgi nıetterin bildirýde. Munan bólek, Reseı Prezıdenti Vladımır Pýtın , Túrkııa Respýblıkasynyń Prezıdenti Rejep Taııp Erdoǵan , Úndistannyń Premer-Mınıstri Narendra Modı , Ózbekstan Prezıdenti Shavkat Mırzıeev Qazaqstannyń Tuńǵysh Prezıdenti – Elbasy Nursultan Nazarbaevqa myqty densaýlyq pen tezirek saýyǵyp ketýin tilep jedelhat joldady.